Јованка Георгиева

Јованка Леонова Георгиева (28 јули 1923 во Дебар — ) — учесник во НОВ на Македонија и носител на Партизанска споменица од 1941 година.^[1]

Животопис

Јованка Георгиева е носител на Партизанската споменица од 1941 година.

Во НОД учествувала од 1941 година во Скопје. Од април 1941 до јули 1942 година водела скоевска група, растурала летоци и илегален материјал заедно со Ружа Бак, Деса Кутурец и други. Била главен курир (јули 1942 - 15 март 1944) на илегалната внатрешна партиска пошта во Македонија и преку јавки давала врска, примала и пренесувала илегален материјал и испраќала борци во партизанските одреди. Од март 1944 година била санитетка во третата чета на Третата македонска ударна бригада, а потоа главна сестра во болницата во селото Рамно (Кумановско). Носител е на Партизанска споменица 1941 и повеќе одликувања.^[1]