Рамно

Рамно — село во Општина Старо Нагоричане, во областа Козјачија, во околината на градот Куманово.

Рамно
Рамно Местоположба на Рамно во Македонија Рамно на карта
Координати 42°16′40″N 21°58′59″E
Регион	Североисточен
Општина	Старо Нагоричане
Област	Козјачија
Население	6 жит. (поп. 2021)[1]
Пошт. бр.	1302
Повик. бр.	031
Шифра на КО	17082
Надм. вис.	933 м
Рамно на општинската карта Атарот на Рамно во рамките на општината
Рамно на Ризницата

Население

Население во минатото

Година Нас. ±% 1948 433 —     1953 426 −1.6% 1961 357 −16.2% 1971 261 −26.9% 1981 123 −52.9%	Година Нас. ±% 1991 61 −50.4% 1994 40 −34.4% 2002 21 −47.5% 2021 6 −71.4%

Според германска карта издадена во 1941 година, а заснована на пописот на Кралството Југославија од 1931 година, селото имало 500 Македонци.^[2]

Според пописот од 2002 година, во селото Рамно имало 21 жител, од кои 20 Македонци и 1 Србин.^[3]

Според последниот попис од 2021 година, во селото живееле 6 жители, од кои 4 Македонци и 2 лица без податоци.^[4]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	475	384	433	426	357	261	123	61	40	21	6

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Родови

Рамно е македонско село.

Според истражувањата од 1971 година родови во селото се:

• Доселеници: Кушпарци (3 к.) доселени се од селото Војник; Забелци (5 к.) доселени се од селото Трница во Горна Пчиња (денес во Србија). Го знаат следното родословие: Јован (жив на 73 г. во 1971 година) Стојан-Ристе-Спаја, кој се доселил; Курјашци (4 к.) доселени се од некое блиско кумановско село; Ваганаровци (2 к.), Гезаци (2 к.), Ковелци (1 к.), Свиларци (5 к.) и Мартинци/Мартиновци (4 к.) доселени се, но не знаат од каде.^[9]

Општествени установи

• Црква „Св. Никола“ од 1888-90 г.

Иселеништво

Постари иселеници има во околината на Врање во Србија. Во селото Брњаре (Раманци), потоа во Горна Пчиња (во Србија и Македонија) во селата Долно Стајевце (Ваљавичарци и Барчани), Горно Стајевце (Пржинци), Бабина Пољана (Стојановци) и во Буковљане (Миленковци).

Други постари и понови иселеници по кумановските села се во Мутилово (Крстевски), Алгуња (Арсиќи), Долно Коњаре (Митровиќи, Стојанови, Накиќи, Душан и Саво), Љубодраг (Козјачани), Карловце (Раманчани), Врачевце (Куштарци) и во Карабичане (Подкулајци и Дубовци).

Потоа иселеници има во селото Пепелиште во Тиквеш. Потоа селото Глогоњ кај Панчево, во Куманово и други места.^[9]

Личности

Личности родени во Рамно:

• Симка Јованова Димитриевска — учесник во НОВ на Македонија
• Правда Наскова Димитриевска — учесник во НОВ на Македонија
• Ратка Златковска — учесник во НОВ на Македонија