Јордан Николов (револуционер)

Јордан Николов Попиванов — македонски просветен деец, учесник во македонското револуционерно движење и член на Македонската револуционерна организација.

Јордан Николов
Роден	1884 Варош, Битолски Вилает, Османлиско Царство
Починал	4 јуни 1917 Прилеп, Царство Бугарија

Животопис

Николов е роден во 1884 година во селото Варош, денес населба во Прилеп. Учителствувал во Прилеп, Солун, Сер и на други места. Како учител во Прилеп, во 1907 година, тој бил секретар на околискиот комитет на ВМОРО. Од 1901 до 1902 и од 1907 до 1911 година, тој бил учител во рамките на Солунските гимназии - машката, трговската и женската. Во 1910-1911 година, тој бил директор на женската гимназија „Свето Благовештение“.^[1][2]