Џинџос

Џинџос (грчки: Σιτοχώρι, Ситохори; до 1928 г. Τζίντζος, Ѕинѕос^[2]) — село во Нигритско, Егејска Македонија, денес во општината Визалтија на Серскиот округ, Грција. Населено е со погрчени Власи, наречени Карагуни, во изворите често нарекувани Грци.

Џинџос Σιτοχώρι
Џинџос
Местоположба во областа Џинџос Местоположба на Џинџос во Серскиот округ и областа Централна Македонија
Координати: 40°52.54′N 23°37.7′E
Земја	Грција
Област	Централна Македонија
Округ	Серски
Општина	Визалтија
Општ. единица	Тахино
Надм. вис.	&10000000000000100000000100 м
Население (2021)[1]
• Вкупно	350
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа во Серското Поле, југоисточно од Нигрита.

Историја

Во Отоманското Царство

Во „Етнографија на вилаетите Адријанопол, Монастир и Салоника“ се вели дека во 1873 г. Чинчос (Tchintchos) било село со 108 домаќинства на 320 „Грци“.^[3]

Во 1889 г. Стефан Верковиќ („Топографическо-этнографическій очеркъ Македоніи“) напишал за Џинџос:

„

Џинџос: христијанско село; 1 црква, 8 часа и половина од градот.[4]

“

Во 1891 г. Георги Стрезов напишал за селото:

„

Џинџос, 1 час на ЈЗ од Тахинос; 6 часа од Сер. Жителите имаат исто занимање како во Тахинос. Патот е рамен и прав. 90 куќи Карагуни. Грчка црква.[5]

“

На почетокот на XX век Џинџос било село во Серската каза на Серскиот санџак. Во 1900 г. според Васил К’нчов („Македония. Етнография и статистика“) в селото има 660 жители гърци.^[6]

По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Џинџос (Ginjos) Живееле 600 „Грци“ и работело грчко училиште.^[7]

Во Грција

По Балканските војни во 1913 г. селото е припоено кон Грција согласно Букурешкиот договор. Бидејќи настрадало во војните, таа година имало само 63 жители, но во 1920 г. во него се заведени 854 лица.^[8] Според Тодор Симовски, во 1924 г. во Џинџос биле сместени 26 грчки дојденци.^[8] Во 1928 г. селото е е преименувано во Ситохори.^[9] Истата година во селото се попишани 1.114 жители.^[8]

Населението се одржало стабилно сè до 1960-тите кога почнало забележително иселување во поголемите градови.^[8]

Месности во Џинџос преименувани со службен указ на 6 јули 1968 г.

Име	Грчки	Ново име	Грчки	Опис
Таушан Тепе[10]	Ταουσάν Τεπέ	Лагокорфи	Λαγοκορφή[11]	возвишение на С од Џинџос (69,4 м) и на ЈИ од Патрик[10]

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	1492	1397	1477	1162	979	846	623	531	350

Извор за 1940-1991 г.: Т. Симовски, Населените места во Егејска Македонија

Општествени установи

• Црква „Св. Ѓорѓи“ од 1762 г.