Административна поделба на Гренланд

Административната поделба на Гренланд ја опфаќа политичката поделеност на државата поради статистичко-административни причини. Државата е поделена на општини како првостепена административна поделба. Вкупно, Гренланд има 4 големи по територија општини.^[1] Покрај тоа, често во оваа група се вклучува и најголемиот во свет Североисточен гренландски национален парк. Важно е да се напомене дека Воздухопловството на САД има своја енклава (Воздухопловна база Туле) во Касуитсуп.

Општини

Актуелната административна поделба на Гренланд стапила на сила на 1 јануари 2018 година:

Административна поделба на Гренланд од 1 јануари 2018 година.

име	гренландски	адм. центар	грб	ISO[2]	население	површина (км²)
Аваната	Avannaata Kommunia	Илулисат			10,651 [3]
Кујалек	Kommune Kujalleq	Какорток		GL-KU	7,589	32,000
Кекерталик	Kommune Qeqertalik	Асијат			6,504[4]
Кеката	Qeqqata Kommunia	Сисимиут		GL-QE	9,677	115,500
Сермерсок	Kommuneqarfik Sermersooq	Нук		GL-SM	21,232	531,900

Административна поделба до 2018

Општините на Гренланд.

име	гренландски	седиште	грб	ISO[5]	население	површина (км²)
Кујалек	Kommune Kujalleq	Какорток		GL-KU	7,589	32,000
Касуитсуп	Qaasuitsup Kommunia	Илулисат		GL-QA	17,749	660,000
Кеката	Qeqqata Kommunia	Сисимиут		GL-QE	9,677	115,500
Сермерсок	Kommuneqarfik Sermersooq	Нук		GL-SM	21,232	531,900

Историја

Карта на поранешните окрузи на Гренланд.

Првата поделба на островот била меѓу данските колонии Северен Гренланд со седиште во Кекертарсуак и Јужен Гренланд со седиште во Нук. Ваквата поделба траела до 1940-те кога островот бил обединет и добил централна административна управа.

По доделувањето на статусот на рамноправна сојузна држава во рамките на Кралството Данска, државата била поделена на „поделби“ во 1951 година. Тие биле Источен Гренланд, Западен Гренланд и Северен Гренланд. Североисточниот национален парк бил создаден во 1974 година. По доделувањето на статусот на самостојна управа во 1979 година имињата на општините добиле гренландски имиња: Кита, Туну и Авана. Поделбата Кита имала 15 општини, Туну 2 и Авана 1 општина

Поранешни општини

Округ Авана

Округот имал 1 општина, општина Канак. Покрај општината, на територијата се наоѓала Воената база Туле и Североисточниот гренландски национален парк.

Округ Туну

На територијата на округот се наоѓале: општина Амасалик, општина Итокортормит и дел од сегашниот национален парк.

Округ Кита

На територијата на округот се наоѓале општините:

Јужен дел:

• Општина Нанорталик
• Општина Какорток
• Општина Нарсак
• Општина Ивитут
• Општина Памиут

Средиштен дел:

• Општина Нук
• Општина Манитсок
• Општина Сисимиут
• Општина Кангатсијак
• Општина Асијат
• Општина Касигијангуит
• Општина Илулисат
• Општина Кекертарсуак

Северен дел:

• Општина Уманак
• Општина Упернавик

Поврзано

„Административна поделба на Гренланд“ на Ризницата ?

• Гренланд