Александар I Караѓорѓевиќ

Александар I Караѓорѓевиќ (српски: Александар I Карађорђевић) (17 декември 1888 во Цетиње, Кнежевство Црна Гора — 19 октомври 1934 во Марсеј, Франција), познат како Александар Караѓорѓевиќ, Крал Александар и Александар Обединителот бил крал на Кралството СХС од 1921 до 1929 година, а од 1929 до 9 октомври 1934 година, крал на Кралство Југославија.^[1][2][3]

Александар I Aleksandar I Karađorđević Александар I Карађорђевић
Крал на Југославија
На престол	3 октомври 1929 – 9 октомври 1934
Наследник	Петар II
Крал на Србите, Хрватите и Словенците
На престол	16 август 1921 – 3 октомври 1929
Претходник	Петар I
Роден(а)	16 декември 1888(1888-12-16) Цетиње, Црна Гора
Починал(а)	9 октомври 1934(1934-10-09) (возр. 45) Марсеј, Франција
Почивалиште	Опленац, Топола, Србија
Сопружник	Марија Караѓорѓевиќ (в. 1922)
Полно име Александар Караѓорѓевиќ
Династија	Караѓорѓевиќ
Татко	Петар I Караѓорѓевиќ
Мајка	Зорка Караѓорѓевиќ
Вероисповед	Православие
Потпис

Младост

Александар Караѓорѓевиќ е роден на 16 декември 1888 во Цетиње, Кнежевство Црна Гора како четврто дете (втор син) на Петар I Караѓорѓевиќ (син на кнезот Александар кој триесет години претходно бил приморан да абдицира и да ја предаде власта во Србија на династијата Обреновиќ) и кнегињата Зорка од Црна Гора (најстарата ќерка на тогашниот црногорски кнез Никола Петровиќ-Његош).

Александар имал две години кога неговата мајка, кнегињата Зорка починала во 1890 од компликации за време на пораѓањето со неговиот брат Андрија, кој исто така починал по 23 дена.

Александар I (десно) се ракува со грчкиот крал Александар (лево) на Македонскиот фронт, 5 мај 1918

Александар Караѓорѓевиќ како регент

Александар го поминал своето детство во Црна Гора; сепак, во 1894 година неговиот татко вдовец ги зел трите деца, меѓу кои и Александар, во Женева, каде што тој го завршил основното образование. Заедно со својот постар брат Ѓорѓе, продолжил со школувањето во царскиот корпус во Санкт Петербург, Руската Империја. Во 1903 година, додека младиот Ѓорѓе и Александар сè уште се образувале, нивниот татко Петар, заедно со група заговорници, успеале да организираат државен удар во Кралството Србија, познат како Мајски преврат, во кој кралот Александар I Обреновиќ и кралицата Драга биле убиени. Така, династијата на Караѓорѓевиќ го презела српскиот престол по четириесет и пет години, а 58-годишниот татко на Александар станал крал Петар I, поради што Ѓорѓе и Александар се вратиле во Србија за да продолжат со нивните студии.

Атентат

Филм за атентатот

Убиен е во атентат во Марсеј, од страна на Владо Черноземски, по наредба на ВМРО, на 9 октомври 1934 година.

Атентатот на кралот е еден од ретките атентати снимен на филм и е една од поважните снимки во историјата на филмот. Пукањето се случило точно пред објективот на снимателот којшто не успеал да го сними самото убиство, туку последиците од него и успеал да ги сними неколкуте минути после тоа, така што од само неколку сантиметри оддалеченост е снимено и мртвото тело на кралот.

Предци

Предци на Александар I Караѓорѓевиќ[4][5]
8. Караѓорѓе Петровиќ 4. Александар Караѓорѓевиќ 9. Јелена Јовановиќ 2. Петар I Караѓорѓевиќ 10. Јеврем Ненадовиќ 5. Персида Ненадовиќ 11. Јованка Миловановиќ 1. Александар I Караѓорѓевиќ 12. Мирко Петровиќ Његош 6. Никола I Петровиќ Његош 13. Анастасија Мартиновиќ 3. Зорка Петровиќ Његош 14. Петар Вукотиќ 7. Милена Вукотиќ 15. Јелена Војводиќ

Поврзано

• Марсејски атентат

Александар I Караѓорѓевиќ Династија Караѓорѓевиќ Роден(а): 16 декември 1888 Починал(а): 9 октомври 1934
Владејачки титули
Претходник Петар I	Крал на Србите, Хрватите и Словенците 16 август 1921 – 6 јануари 1929	Бил прогласен за Крал на Југославија
Нова титула	Крал на Југославија 6 јануари 1929 – 9 октомври 1934	Наследник Петар II