Американци

Американците (англиски: Americans), помалку познати како Соединетодржавци (англиски: United Statesian)^[18] ― граѓаните кои живеат во Соединетите Држави (познати и како Америка). Сите жители на Соединетите Држави немаат исто етничко и национално наследство, тие се мешавина од народи кои имаат прифатено единствен национален (државен) идентитет. Денешните Американци (освен американските староседелци - Индијанци) почнале да го населуваат регионот на САД пред околу 500 години. Американците претежно зборуваат англиски јазик. Американската култура е направена според традициите во Англија, Африка, Ирска, Велс, Германија, Шпанија, Мексико, Холандија и Шкотска.

Американци

Вкупен број
316.500.000
Подрачја со значајно население
Мексико	738,100-1,000,000[1][2]
Канада	688,000–1,000,000[3]
Бразил	520,000[4]
Филипини	250,000[5]
Обединето Кралство	224,000[6]
Либерија	160,000[7]
Франција	100,000[8]
Израел	100,000[9]
Германија	99,600[10]
Австралија	56,276[11]
Јапонија	52,684[12]
Саудиска Арабија	40,000[13]
Костарика	40,000[14]
Норвешка	33,509[15]
Либан	25,000[16]
Нов Зеланд	17,751[17]
Јазици
Англиски јазик (голем дел од Америнакците зборуваат шпански и германски)
Вероисповед
Христијанска религија но исто така и Јудаизам, Ислам, Будизам, Хиндуизам и други
Сродни народи
Европејци, Африканци и Азијци

Американците според расата се делат на бели Американци и Афроамериканци. Белите Американци се мнозинството. Има 308.000.000 бели Американци во САД или 72.4% од вкупното население според пописот во 2010 година и 38.093.725 Афроамериканци или 12.4%. Останатото население се од две или повеќе раси или американски староседелци.

Американците како нивни службени јазици ги користат американскиот и афроамериканскиот англиски јазик кои се дијалекти на англискиот јазик.

Американците како тема во уметноста и во популарната култура

• „Млади Американци“ (англиски: Young Americans) — песна од истоимениот албум на британскиот рок-музичар Дејвид Боуви (David Bowie) од 1975 година.^[19]
• „Американец без солзи“ (англиски: American Without Tears) — песна на англискиот рок музичар Елвис Костело од 1986 година.^[20]
• „Луда Американка“ (англиски: Crazy American) — песна на американската рок-музичарка Сид Стро (Syd Straw) од 1989 година.^[21]
• „Американецот“ (англиски: The American) — песна на британската рок-група Simple Minds од 1981 година.^[22]

Во делото „Богатството на царот Радован“, српскиот поет Јован Дучиќ вели дека Американците не се љубоморни зашто повеќе го ценат своето време и здравјето отколку своите жени.^[23] Во романот „Сликата на Доријан Греј“, Оскар Вајлд забележува дека повеќето Американки се многу убави и дека убаво се облекуваат. За Американците вели дека имаат цела збирка со евтин хумор, дека се бескрајно интересни луѓе, дека се совршено разумни и дека не прават глупости.^[24] Според Френсис Скот Фицџералд, Американците би прифатиле да бидат и слуги, но секогаш тврдоглаво одбиваат да бидат селани.^[25] Во расказот „Мачка со исклучителна убавина“, руската писателка Људмила Улицка зборува за „прославената американска бездуховност и тапост“.^[26].