Башали

Башали — село во Општина Валандово, југоисточна Македонија. Денес нема жители.^[2]

Башали
Башали Местоположба на Башали во Македонија Башали на карта
Координати 41°23′42″N 22°28′44″E
Регион	Југоисточен
Општина	Валандово
Област	Бојмија
Население	0 жит. (поп. 2021)[1]
Повик. бр.	039
Шифра на КО	04003
Надм. вис.	420 м
Башали на општинската карта Атарот на Башали во рамките на општината
Башали на Ризницата

Географија и местоположба

Селото се наоѓа во областа Бојмија, помеѓу планините Плавуш на исток и Градешка Планина на запад. Атарот зафќа површина од 8 км².^[3]

Под селото, во југозападен правец тече Башалиска Река, која потоа прима разни притоки за понатаму да се нарече Аразлиска Река и да заврши како лева притока на Вардар меѓу Удово и Ѓулели на 8 км југозападно од Башали.

Историја

На крајот од XIX век Башали било претежно турско село во Дојранската каза на Отоманското Царство.

Стопанство

Атарот на селото зафаќа 8 км².

Население

Население во минатото

Година Нас. ±% 1948 86 —     1953 93 +8.1% 1961 51 −45.2% 1971 57 +11.8% 1981 0 −100.0%	Година Нас. ±% 1991 0 0.00% 1994 0 0.00% 2002 0 0.00% 2021 0 0.00%

Во „Етнографија на вилаетите Адријанопол, Монастир и Салоника“ се вели дека во 1873 г. Бахчели (Bahtchely) имало 90 домаќинства сочинети од 168 муслимани.^[4] Според статистиката на Васил К’нчов („Македонија. Етнографија и статистика“) од 1900 г. Бахчели имало 344 жители, од кои 320 Турци и 24 Роми.^[5]

Според германска карта издадена во 1941 година, а заснована на пописот на Кралството Југославија од 1931 година, во селото имало 100 Турци.^[6]

Во последните децении на XIX век селото доживеало голем раст, кој траел и во почетокот на XX век. Ова подоцна се променило во 1950-тите кога е забележан е многу значен пад на населението, што се должи на иселувањето на Турците од Македонија. Селото продолжило да се празни и во 1960-тите, така што до крајот на деценијата не останал ниту еден Турчин. Интересно е да се забележи дека на пописот од 1971 г. во Башали се заведени 57 лица, од кои сите под графата „останати“.^[7] Нејасно е дали станува збор за грешка или некакво привремено сместување на друго население. Во текот на следните години селото сосема се испразнило. Според пописот од 2002 година, Башали немало ниеден жител.^[2] Истото било потврдено и на пописот во 2021 година.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	344	—	86	93	51	57	0	0	0	0	0

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]