Валсроде
град во Германија From Wikipedia, the free encyclopedia
Remove ads
Валсроде (германски: Walsrode) — град во округот Хајдекрајс, во сојузната покраина Долна Саксонија, Германија. Од 1935 година ја носи додавката „град на Херман Ленс“ (Hermann-Löns-Stadt).
Поранешната општина Бомлиц станала дел од градот во јануари 2020 година.
Remove ads
Географија
Местоположба
Валсроде се наоѓа на реката Беме во јужниот дел на Линебуршкото Поле. Градот со своите 334,80 км² претставува еден од 100. најголеми градови во Германија по површина.
Градски единици
Градот има вкупно 31 единица. Покрај самото јадро на Валсроде, во градското подрачје се опфатени и следниве места:
|
|
|
Соседни општини
Соседни општини се градот Фиселхеведе (округ Ротенбург), Золтау, Бад Фалингбостел, слободната област Остерхајде, општинските заедници Швармштет, Алден и Ретем/Алер и општината Кирхлинтелн (округ Ферден).
Remove ads
Историја
Среден век
Во X век бил основан истоимениот манастир од страна на грофот Вало. Не е позната точната година на основање. Првото споменување на градот е на 7 мај 986 година.[1]
На 22 јули 1383 година, Валсроде ги добил градските права од страна на Војводството Брауншвајг-Линебург.
Градскиот грб првпат се појавил во 1479 година. Кон крајот на XV век, во градот се родил вајарот Ханс Бригеман, кој е творец на Бордесхолмскиот олтар, денес сместен во катедралата во Шлезвиг.
Ново време
За време на Триесетгодишната војна, градот бил уништен од страна на трупите на Тили. На 6 јули 1757 година 230 од 237. куќи во градот изгореле во голем пожар.
За време на Наполеоновите војни, Валсроде бил дел од департманот Ханза и со тоа граничен град помеѓу Кралството Вестфалија и Франција. По Виенскиот конгрес во 1814 година, градот припаднал на Кралството Хановер. По германските војни во 1866 година градот станал пруски.
Во 1890 година, градот добил железница.
XX век
Општинтие Форбрик и Форвалсроде во 1929 година биле припоени кон градот. Писателот Херманс Ленс во 1935 година бил закопан во Валсроде.
Во 1957 година, Валсроде станал седиште на граничната полиција.
Во 1973 година, Валсроде станал признаено покраинско одморалиште, чиј статус го изгубил во 2009 година при повторното категоризирање.[2]
На 1 март 1974 одина, општините Алтенбојцен, Бенцен, Бокхорн, Дисхорн, Ебинген, Фулде, Грос Ајлсторф, Хамвиде, Холиге, Хонердинген, Хинцинген, Идзинген, Кирхбојцен, Клајн Ајлсторф, Крелинген, Нордкампен, Шнехајде, Зифердинген, Штелихте, Зидкампен, Фетем и Вестехолц, биле припоени кон градот.
XXI век
На 20 октомври 2004 година, областа била погодена од земјотрес со јачина од 4,5 степени според Рихтер.
За 2011 година била планирано спојување на Валсроде со градот Бад Фалингбостел и општината Бомлиц во градот Беметал. На 2 ноември 2008 година овие планови биле понудени на граѓанско изјаснување и биле прифатени од Валсроде и Бомлиц, но Бад Фалингбостел бил против. Поради тоа спојувањето не се случило.
Во мај 2017 година, општината Бомлиц и градот Валсроде започнале преговори за спојување.[3] Тие завршиле на 19 јануари 2018 година.[4][5] По согласноста од покраината Долна Саксонија, спојувањето се случило на 1 јануари 2020 година.[6]
Remove ads
Политика
Градски совет
Градскиот совет се состои од 34 избрани членови, што одговара за град со број на жители од 20.001 и 25.000 жители.[7] Членовите се избираат на општи избори на секои пет години.
На општинските избори од 2016 година биле добиени следниве резултати:
Градоначалник
Градоначалничка на градот Валсроде е Хелма Шперинг (независна). На последните избори на 25 мај 2014 година била избрана со 59,7% од гласовите.[8]
Збратимени градови
Валсроде е збратимен со следниве градови:
Познати луѓе
- Ханс Бригеман (околу 1480-по 1521) — сликар
- Луис Хармс (1808-1865) — лутерански свештеник
- Хермине Офербек-Роте (1869-1938) — сликарка
- Марен Кројман (р. 1949) — глумица и пејачка
- Габи Папенбург (р. 1960) — спортска новинарка
- Франк Глориус (р. 1972) — хемичар
- Онур Ајик (р. 1990) — фудбалер
Галерија
Градскиот плоштад
Музеј Хајде
Клиника Хајдекрајс
Железничката станица
Наводи
Надворешни врски
Wikiwand - on
Seamless Wikipedia browsing. On steroids.
Remove ads