Вангел Тодоровски

Вангел Тодоровски - Мајорот (Битола, 1920 - Битола, 12^[1] или 24 април^[2] 1942) — македонски комунист, учесник во НОВ. Прогласен бил за народен херој на Југославија на 2 јули 1952 година.^[3][4]

Вангел Тодоровски
Роден	1920 Битола
Починал	12 април 1942 Битола

Животопис

Биста на Вангел Тодоровски во Градскиот парк во Битола

Како раководител на берберските работници, бил активист на Урсовите синдикати, член на КПЈ од 1940 година и член на Месниот комитет на СКОЈ во Битола. Поради комунистичката дејност, повеќепати бил апсен.

Учество во НОБ

По фашистичката окупација на Македонија се илегализирал и работел во партиската техника на Месниот комитет на КПЈ во Битола. По провалата во Битола во април 1942 година, непосредно по убиството на Орде Чопела, бугарската полиција извршила упад во куќата каде била сместена техниката. Вангел Тодоровски успеал да го убил битолскиот областен полициски началник, по што, за да не падне во непријателски раце, се самоубил.

Во негова чест, една од градинките во Битола го носи неговото име.^[5]