Василе Трпески

Василе Ладомиров Трпески ( 1912 во Попоец — 1943 во Бериково) — македонски партизан, борец за слобода на Македонија и учесник во НОВ.^[1]

Спомен обележје на кое се наоѓа ѝ името на Василе Трпески.

Спомен обележје на НОБ во Попоец.

Василе Трпески
Роден	1912 година Попоец, Битолски Вилает, Османлиско Царство
Починал	септември 1943 година Бериково, Кралство Албанија
Народност	Македонец

Животопис

Потекнувал од селско семејство кое се занимавало со земјоделие. Василе имал можност да ја запознае положбата во Кралството Југославија, а по окупацијата се определил за борба против фашистичкиот окупатор. Во летото 1943 година, тој отишол партизан во редовите на Кичевско-мавровскиот партизански одред кој дејствувал низ Копачијата. Учествувал во повеќе дејствија на одредот. Во септември 1943 година, од слободно Кичево, со неколку другари со воз се упатиле кон Буковиќ со воен материјал непосредно пред битката на 1 октомври. Кај селото Бериково, возот бил нападнат од балистите, а Василе бил заробен и убиен на ѕверски начин заедно со повеќе свои другари.^[1]

Поврзано

• Кичево и Кичевско во НОВ