Весна Петрушевска

Весна Петрушевска е родена на 10 мај во 1970 година во Скопје. Позната и под нејзиниот прекар „Бејби“ — македонска глумица и водителка на нејзиното зборовно шоу „Вртелешка“ кое достигнало голема популарност и било емитувано повеќе години на македонска телевизија.^[1]

Весна Петрушевска
Родена	10 мај 1970 година Скопје
Националност	Македонка
Народност	Македонка
Позната	по улогата во: Салон Хармони Погрешно време
Занимање	глумица

Животопис

Петрушевска ја започнала својата глумечка кариера на 14 години, кога го имала првиот настап во македонскиот театар. На 16 години веќе го имала своето прво ток-шоу на МРТВ кое се викало „Пулсирање“. Подоцна го започнала својот најуспешен ТВ-проект, ток-шоуто „Вртелешка“, коe било емитувано неколку години, а потоа следувало и краткотрајното ток-шоу „Вечер со Весна“.^[1] Таа исто така глумела во неколку претстави во различни македонски театри, меѓy која е и „Брачна игра“ заедно со Игор Џамбазов, која ја имала својата премиера на 27 март 2016 година, во Македонскиот народен театар.^[2] Таа гостyвала на ток-шоуто „Еден на Еден“ на Жарко Димитриоски на 19 март 2016 година.^[3][4]

Филмографија

Година	Филм	Улога
1993	Крик на немиот индијанец ТВ-филм
1995	Ангели на отпад ТВ-филм	Оли
1998	Салон Хармони ТВ-серија	Мимоза
1998	Денес, утре ТВ-филм	Сања
2000-2001	Погрешно време ТВ-серија	Сиси
2002	Наше маало ТВ-серија	Мира
2005	Контакт ТВ-филм	Вики
2010	Од денес за утре ТВ-серија
2014	До балчак ТВ-филм	Дама 2
2018	Преспав ТВ-серија
2019-2022	Дајте музика ТВ-серија	Професорка
2022	Тале и Корона ТВ-филм	Самовилата Корона
2023	Домаќинство за почетници ТВ-филм	Сандра

Глумечка кариера

Петрушевска глумела во голем број македонски театарски претстави меѓy кои се: „Кој се пла­ши од Вир­џи­ни­ја Вулф?“, „Ва­ги­нал­ни мо­но­ло­зи“ и нејзината најпозната претстава: „Гос­по­ѓа Ми­ни­стер­ка“, која е изведена над 150 пати.^[5][6][7] Исто така, глумела во филмот Контакт, македонскиот кандидат за најдобар странски-филм на Оскарите во 2007 година.^[8][9]

Писателска кариера

Во ноември 2016 година била издадена првата книга на Весна Петрушевска, автобиографската книга „Трофеј“, од страна на издавачкиот центар „Три“. Промоцијата на книгата била одржана на 9 ноември 2016 во хотелот „Парк резиденс“ во Скопје.

Издавачкиот центар Три ја опишал книгата како: „неверојатно искрена и трогателна исповед преку која Весна ќе ја запознаеме во различни аспекти на нејзината личност од минатото и сегашноста: како машкуданесто девојче, како глумица по вокација, која никогаш нема да се пензионира, ТВ-водителка, стендап-комичарка, ќерка и сестра, дваесет и четиричасовна мајка и пријателка, домаќинка... Но, пред сè, како човек со големо срце“.^[10]

Личен живот

Таа има две деца. Син Кирил, и ќерка, Мина. Таа исто така има 4 миленичиња.