Ветерник

Ветерник, Вртеник^[1] или Вретеник^[2] (грчки: Βετέρνικο, Ветернико, или Βετεάρνικ, Ветеарник, или Βετέρνικ, Ветерник; албански: Vreteniku) — поранешно село во Нестрамско, Егејска Македонија, денес во општината Нестрам во областа Западна Македонија, Грција.

Ветерник Βετέρνικο
Ветерник
Местоположба во областа Ветерник Местоположба на Ветерник во Костурскиот округ и областа Западна Македонија
Координати: 40°24.40′N 20°51.43′E
Земја	Грција
Област	Западна Македонија
Округ	Костурски
Општина	Нестрам
Општ. единица	Грамошта
Население
• Вкупно	иселено
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓало во северното подножје на планината Грамошта, на левиот брег на реката Бистрица (Белица). Јужно од селото е тесната клисура Катафики, низ која реката се спушта од котлината на Грамошта во онаа на Загар.

Историја

Во 1769 г. албански банди уништиле седум села во областа — Грамошта, Линотопи, Ветерник, Пискохори, Лагор, Омотско и Загар.^[3]

На крајот од XIX век Ветерник било влашко село во Костурската каза. За време на Илинденското востание во селото влегла четата на Коста Здрољов од Д’мбени, дел од големата чета на Васил Чакаларов, и се борела со башибозукот.^[2] Македонската чета го изгорела селото.^[1]

За време на Балканските војни селото е окупирано од грчка војска и во 1913 г. влегло во состав на Грција.