Нестрам (општина)

Нестрам (грчки: Δήμος Νεστορίου, Димос Несториу) — општина во западниот дел на Егејска Македонија, денес во Грција. Општината ги опфаќа селата во областа Нестрамкол, а нејзин административен центар е истоименото село Нестрам.

Општина Нестрам Δήμος Νεστορίου
Карта на општина Нестрам
Нестрам од планината Горуша.
Податоци
Област:	Западна Македонија
Округ:	Костур
Гео. област:	Нестрамкол
Население:	3.899 (2021)
Седиште:	Нестрам
Нас. места:	24
Пошт. бр.:	520 51
Пов. бр.:	24670-31
Портал:	nestorio.gr

Населени места

Општина Нестрам е создадена на 1 јануари 2011 г. согласно законот „Каликратис“^[1] со спојување на четири стари административни единици — општините Нестрам и Акритес, како и општинските целини Аренес и Грамошта.

Напомена: Називот „Акритес“ е произволно даден грчки назив што не се однесуваат на ниедно постоечко место. „Аренес“ е според два планински врва.

Општинска единица Нестрам

Општинската единица Нестрам ги опфаќа следниве општински оддели и населени места:

Поранешната општина Нестрам на картата на некогашниот округ Костур.

• Општински оддел Нестрам

• село Нестрам (Νεστόριο, Несторио)
• село Јановени (или Јановене; Γιαννοχώρι, Јанохори)
• село Омотско (Λειβαδοτόπι, Ливадотопи)
• село Пилкати (Μονόπυλο, Монопило)
• село Радигоже (Αγία Άννα, Агија Ана)
• село Слимница (Τρίλοφος, Трилофос)
• село Стенско (Στενά, Стена)
• село Тухол (Πεύκος, Певкос)

• Општински оддел Грче

• село Дреничево (Κρανοχώρι, Кранохори)
• село Граче (или Гратче; Πτελέα, Птелеја)
• село Долно Граче (или Долно Гратче; Κάτω Πτελέα, Като Птелеја)

• Општински оддел Котелци

• село Ново Котелци (Νέα Κοτύλη, Неја Котили)

• Општински оддел Селско

• село Селско (Κυψέλη, Кипсели) Селото географски му припаѓа Епир, а не на Егејска Македонија во денешна смисла.

Напомена: Јановени и Пилкати немаат постојани жители (2011).

Во општинската единица има неколку напуштени места за време на Граѓанската војна кои денес се отпишани:

• Дреново (Γλυκονέρι, Гликонери);
• Загар (Άγιος Ζαχαρίας, Агиос Захаријас);
• Котелци (Κοτύλη, Котили), кое географски припаѓа на Епир;
• Мирославци (Μυροβλήτης, Мировлитис), кое географски припаѓа на Епир;
• Личотер (или Лисотер; Περιστερά, Перистера);
• Чука (Τσούκα или Αρχάγγελος, Цука или Архангелос).

На територијата на општинската единица се наоѓале и атарите на старите и одамна отселени влашки грамоштенски села Линотопи (Λινοτόπι), Ветерник (Βετέρνικ, Βετέρνικο) и Фуша (Φούσια).

Општинска единица Акритес

Поранешната општина Акритес на картата на некогашниот округ Костур.

Општинската единица Акритес со седиште во Ревани ги опфаќа следниве општински оддели и населени места на источното подножје на планината Грамошта (Грамос):

• Општински оддел Ревани (733)

• село Ревани (Διποταμιά, Дипотамија)
• село Зеленград (Μεσόβραχο, Месоврахо)
• село Калевишта (или Калевишча; Καλή Βρύση, Кали Вриси)

• Општински оддел Грлени

• село Грлени (Χιονάτο, Хионато)

• Општински оддел Крчишта

• село Крчишта (или Крчишча; Πολυάνεμο, Полианемо)

• Општински оддел Шак

• село Шак (Κομνηνάδες, Комнинадес)

На територијата на општинската единица е и денес напуштеното Ново Село (Κορφούλα, Корфула).

Општинска единица Аренес

Поранешната општинска целина Аренес на картата на некогашниот округ Костур.

Општинската единица Аренес опфаќа четири села:

• Општински оддел Борботско

• село Борботско (Επταχώρι, Ептахори)

• Општински оддел Жужел

• село Жужел (Ζούζουλη, Зузули)

• Општински оддел Слатина

• село Слатина (Χρυσή, Хриси)
• село Висанско (Πευκόφυτο, Певкофито)

Општинска единица Грамошта

Поранешната општинска целина Грамошта на картата на некогашниот округ Костур.

Општинската единица Грамошта или Грамошта се состои од само едно населено место — селото Грамошта (или Грамушта).

Поврзано

• Нестрамкол
• Костенарија
• Нестрамско-костенарски дијалект