Владимир Куртев

Владимир Куртев (Плевен, 19 октомври 1888 — Софија, 7 јуни 1946) — револуционер од Бугарија, учесник во македонското револуционерно движење. Деец на Македонската револуционерна организација и подоцна Внатрешната македонска револуционерна организација, близок соработник со Иван Михајлов. Според бугарската историографија, тој имал учество во спасувањето на Евреите од фашистичката бугарска депортација.

Владимир Куртев
Роден	19 октомври, 1888 Плевен, Кнежевство Бугарија
Починал	7 јуни, 1946 Софија, Народна Бугарија
Установа	Софиски универзитет

Животопис

Завршил историја и географија на Софискиот универзитет. Како ученик станал член на ВМОРО (1905), четник во четата на тиквешкиот војвода Д. Даскалов (1907), учествувал и во Битката кај „Ножот”. По Првата светска војна бил професор и директор на гимназијата во Ќустендил, претседател на друштвото „Илинден”, близок соработник на Иван Михајлов, пунктов началник на ВМРО во Ќустендил (1926), резервен член (1928) и член на ЦК на ВМРО (1932). Во 1946 бил уапсен од властите и стрелан.^[1]