Воислав Санев

Воислав Санев (26 јуни 1938 , Кочани – 8 април 2007 , Скопје, Македонија) — македонски археолог.^[1]

Воислав Санев
Роден	26 јуни 1938 Кочани,  Кралство Југославија
Починал	8 април 2007 Скопје,  Македонија
Националност	Македонец
Занимање	археолог

Животопис

Дипломирал археологија на Филозофскиот факултет во Белград (1963). Од 1963 до 1969 г. работел како кустос во Народниот музеј во Штип, а потоа во Музејот на Град Скопје (1969–1970). Повторно се вратил во Штип (1970– 1976), а од 1976 г. работел во Археолошкиот музеј на Македонија, каде што останал до 2000 г.

Бил директор на Народниот музеј во Штип, в.д. директор на Музејот на Македонија и раководител на Археолошкиот оддел, претседател и секретар на МАНД, уредник и технички уредник на „Macedoniae Acta Aheologica “, на Археолошка карта на РМ, Зборник на Народниот музеј од Штип, Зборник на Археолошкиот музеј и др.

Истражувачка работа

Го истражувал и го проучувал неолитот во Македонија (Вршник, Анзабегово, Руг Баир, Велушка Тумба, Тумба Маџари, Страната, Канли Чаир, Амам, Tумба Мршевци и др.).

Библиографија

Публикувал околу 40-тина отпечатени трудови со широк опус од македонската археологија

• Предисториски култури во Македонија, Штип, 1971;
• Праисторија во Централна Пелагонија, Битола, 1976;
• Анзанбенгово со Милутин Гарашанин, Белград, 2006, 171–191