Главовица

Главовица — село во Општина Кочани, во областа Осоговија, во околината на градот Кочани.

Главовица
Поглед на Главовица
Главовица Местоположба на Главовица во Македонија Главовица на карта
Координати 42°02′51″N 22°30′23″E
Регион	Источен
Општина	Кочани
Област	Осоговија
Население	24 жит. (поп. 2021)[1]
Пошт. бр.	2300
Повик. бр.	033
Шифра на КО	13008
Надм. вис.	980-1.200 м
Главовица на општинската карта Атарот на Главовица во рамките на општината
Главовица на Ризницата

Географија и местоположба

Главовица се наоѓа северно од Кочанската Котлина, на падините на планината Осогово. Селото е планинсо и од разбиен тип, а неговите маала се издигаат на надморска височина од 980-1.200 м. Селскиот атар зафаќа површина од 8,7 км². Од Кочани е оддалечено 23 км.^[2]

Маалата во селото се познати како Чукарска Маала и Милевска Маала.

Стопанство

Селото има главно земјоделска функција. Во рамките на неговиот атар, шумите зафаќаат површина од 309,8 ха, на пасиштата отпаѓаат 221,7 ха, а обработливото земјиште е на површина од 174 ха.^[2]

Население

Население во минатото

Година Нас. ±% 1948 238 —     1953 252 +5.9% 1961 265 +5.2% 1971 262 −1.1% 1981 199 −24.0%	Година Нас. ±% 1991 138 −30.7% 1994 134 −2.9% 2002 59 −56.0% 2021 24 −59.3%

Според статистиката на Васил К’нчов („Македонија, Етнографија и статистика“) од 1900 година, во Главовица живееле 154 жители, сите Македонци.^[3]

Според германска карта издадена во 1941 година, а заснована на пописот на Кралството Југославија од 1931 година, селото имало 200 Македонци.^[4]

Според пописот од 2002 година, во селото Главовица живеат 59 жители, сите Македонци.^[5]

Според последниот попис од 2021 година, во селото живееле 24 жители, од кои 16 Македонци и 8 лица без податоци.^[6]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	154	/	238	252	265	262	199	138	134	59	24

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Општествени установи

Во селото има основно училиште во коешто повеќе не се одржува настава.

Самоуправа и политика

Селото влегува во рамките на Општина Кочани од 2004 година.

Во периодот 1996-2004, селото било дел од Општина Оризари.

Во периодот 1955-1996, селото било дел од Општина Кочани.

Во периодот 1952-1955, селото било дел од Општина Полаки.

Во XIX век, Главовица било дел од Кочанската каза на Отоманското Царство.

Избирачко место

Во селото постои избирачкото место бр. 896 според Државната изборна комисија, сместено во просториите на основното училиште.^[11]

На парламентарните избори во 2020 година, на ова избирачко место биле запишани вкупно 38 гласачи.^[12]

Културни и природни знаменитости

Археолошки наоѓалишта^[13]

• Преслап — населба од доцноантичко време.

Реки

• Црна Река.

Споменици

• Споменик на НОБ.

Личности

Починати во Главовица

• Љупчо Сантов (? — 1943) — македонски партизан;
• Раде Кратовче (1911 — 1943) — македонски партизан.

Галерија

• 
  Споменикот на НОБ
• 
  Натписот на споменикот