Глос (Грчиште)

Глос — археолошко наоѓалиште во валандовското село Грчиште. Претставува населба и некропола од железно време. Се наоѓа на 4,5 км јужно од селото, на левиот брег на Вардар, каде на мала височинка обрасната со вегетација има остатоци од ѕидови. По површината се среќаваат фрагменти од керамички садови од населба. Во непосредната близина на населбата, во лозје на месен жител, како и во просторот покрај патот за Ѓавато се откриени гробни конструкции од камени плочи - цисти. Во 1977 година Музејот на Македонија извршил заштитно ископување, при што во гробовите се пронајдени повеќе украсни предмети - накит и керамички садови работени на колце. Некрополата е датирана во VII-VI век пред н.е. Наодите се депонирани во Музејот на Македонија во Скопје.^[1]

„Глос“
Местоположба	41°15′24″N 22°29′54″E
Основни податоци
Место	Грчиште
Општина	Валандово
Тип	населба  некропола
Период	железно време
Портал „Археологија“

Поврзано

• Грчиште;
• Список на археолошки наоѓалишта во Валандовско;