Голем канарски телескоп

Голем канарски телескоп (шпански: Gran Telescopio Canarias, GranTeCan или GTC) — рефлекторски телескоп со делотворен пречник од 10,4 м кој се наоѓа во Опсерваторијата Роке де лос Мучачос на островот Палма, на Канарските Острови во Шпанија.

Голем канарски телескоп

Големиот канарски телескоп во 2008
Алтернативни имиња	GranTeCan
Дел од	Roque de los Muchachos Observatory Unique Scientific and Technical Infrastructures
Локација	Ла Палма, Атлантски Океан, меѓународни води
Координати	28°45′23.8″N 17°53′31.3″W
Организација	Канарски институт за астрофизика Универзитет на Флорида Национален автономен универзитет на Мексико
Код на опсерваторијата	Z18
Надморска височина	2.267 м[1] + столб во висина од 8 м
Изграден	2002–2008
Прва светлина	13 јули 2007
Вид	одвоен Ричи-Кретјенов телескоп[2]
Пречник	effective = 10,4 м, maximum= 11,386.9 mм (448.30 ин)[2]
Собирна површина	78,54 м2(делотворно 74,14 м2)[2]
Фокусно растојание	169,9 м[2]
Држач	алтазимут
Мрежно место	http://www.gtc.iac.es/
Location of Голем канарски телескоп
Податотеки поврзани со Related media on Commons на Ризницата
[уреди на Википодатоците]

Изградбата на телескопот, сместен на вулкански врв на надморска висина од 2,267 метарs (7,438 ст), траела седум години и чинела 130 милиони евра (112 милиони фунти). Неговото поставување било попречено од временските услови и логистичите потешкотии за превезување на опремата на толку оддалечено место.^[3] Првата светлост била постигната во 2007 години, додека научните набљудувања започнале во 2009 година.

Проектот GTC претставува партнерство образувано од неколку установи од Шпанија, САД и Мексико, и тоа: Канарскиот институт за астрофизика, Универзитетот на Флорида и Националниот автономен универзитет на Мексико.^[4] Планирањето за изградбата на телескопот, коешто започнало во 1987 година, вклучило повеќе од 1000 лица од 100 претпријатија.

Од 2015 година, телескопот е најголем рефлекторски телескоп во светот.^[5] Распределбата на достапното време за употреба на телескопот соодветствува на учеството на влоговите на трите земји во партнерството, односно: Шпанија (90%), и САД и Мексико (по 5%).

Историја

Кполата на GTC на зајдисонце

Прва светлост

GTC започнал со своите првични набљудувања на 13 јули 2007 година, со употреба на 12 отсечоци од своето главно огледало изработено од стаклена керамика од марката Зеродур на германското претпријатие Шот. Подоцна, бројот на употребени отсечоци се зголемил на вкупно 36 шестаголни отсечоци целосно контролирани со контролен систем на активна оптика којшто работел заедно со рефлекторска единица.^[3] Првобитниот инструмент на телескопот бил OSIRIS. Редовните набљудувања започнале во мај 2009 година.^[6]

Свечена церемонија на воведување

Капаците на Големиот канарски телескоп биле формално отворени на 24 јули 2009 година и биле свечено воведени во употреба од страна на шпанскиот крал Хуан Карлос I.^[7] Повеќе од 500 астрономи, владини претставници и новинари од Европа и Америка присуствувале на церемонијата.

Галерија

• 
  Куполата на GTC за време на изградбата во 2002.
• 
  Отворање на куполата со заоѓањето на сонцето.

Поврзано

• Рефлекторски телескоп