Горноџумајска Котлина

Горноџумајска Котлина, служб. Благоевградска Котлина (бугарски: Благоевградска котловина; до 5 мај 1950 г. Горноджумайска котловина)^[1] — котлина во Пиринска Македонија, во поречието на реката Струма.

Горноџум. Котл.

Местоположба на Горноџумајската Котлина во рамките на Пиринска Македонија

Физички одлики

Котловината е длабоко налегната по раседните линии меѓу планините Рила на исток и Влаина на запад. На север чрез Кочериновската Клисура на Струма се поврзува со јужниот дел на Дупничката Котлина (Бобошевско Поле), а на југ преку Орановската Клисура — со Симитлиската Котлина. Најголемата должина на котлината во правец север-југ изнесува 8 км, а ширината ѝ е 4 км. Зафаќа површина од 34 км². Средната надморска височина изнесува 350 м.

Геологија

Котлината е образувана во текот на плиоценот со потонувањето на раседите. Дното ѝ е покриено со насложно-собирни наноси, а пограничните делови се плиоценски и водотечни наслаги. Голем дел од котлината е зафатен со разлеаниот наносен конус на реката Горноџумајска Бистрица. Во подрачјето на Горна Џумаја извираат минерални води со температура од 54,6 °C и проточност од околу 100 м³/сек.

Клима

Климата е умереноконтинентална со средоземно влијание. Средната годишна температура изнесува 12,6 °C (Г. Џумаја), средната јануарска е 1,2 °C, а средна јулска е 23 °C. Средните годишни врнежи изнесуваат 517 мм.

Хидрографија

Котлината се одводнува од реката Струма и долните теченија на нејзините притоки Горноџумајска Бистрица (лева) и Логодашка Река (десна). Почвите се претежно циметни шумски и наносни, кои заедно со поволните климатски услови го овозможуваат одгледувањето на тутун, зеленчук, овошје, лозја и развитокот на сточарството.

Населени места

Во котлината има еден град и седум села:

• Горна Џумаја (буг. Благоевград)
• Ајдарово (буг. Изгрев)
• Бело Поле
• Делијазмино (буг. Зелендол)
• Крџево (буг. Б’лгарчево)
• Моштанец
• Покровник
• Хасарлак (буг. Рилци)

Сообраќај

Од север кон југ, во потег од 8,7 км минува дел од првокласниот пат бр. 1 од Државната патна мрежа Видин – Софија – ГП „Кулата“.

Од исток кон запад, од Горна Џумаја до с. Делијазмино, во потег од 3,8 км минува дел од третокласниот пат бр. 106 од Државната патна мрежа Горна Џумаја – ГП „Логодаж“ („Станке Лисичково“).

Напоредно на првокласниот пат проаѓа и дел од трасата железничката линија Софија – Горна Џумаја – Кулата.

Поврзано

• Неврокопска Котлина
• Светиврачко-петричка Котлина