Горјане

Горјане — село во Општина Врапчиште, во околината на градот Гостивар.

Горјане
Горјане Местоположба на Горјане во Македонија Горјане на карта
Координати 41°53′52″N 20°52′53″E
Општина	Врапчиште
Население	25 жит. (поп. 2021)[1]
Шифра на КО	07021
Надм. вис.	662 м
Горјане на општинската карта Атарот на Горјане во рамките на општината
Горјане на Ризницата

Географија и местоположба

Селото се наоѓа во областа Горни Полог, во источното подножје на Шар Планина, оддалечено 19 километри северозападно од Гостивар.

Историја

Во XIX век селото било дел од Тетовската каза на Отоманското Царство.

Стопанство

Население

Население во минатото

Година Нас. ±% 1948 253 —     1953 276 +9.1% 1961 283 +2.5% 1971 319 +12.7% 1981 297 −6.9%	Година Нас. ±% 1991 0[2] −100.0% 1994 95 —     2002 70 −26.3% 2021 25 −64.3%

Според статистиката на Васил К’нчов („Македонија, Етнографија и статистика“) од 1900 година, во Горјане живееле 234 жители, од кои 190 Албанци и 44 Македонци.^[3]

Според Афанасиј Селишчев, во 1929 година Горјане — село во Сенокоска општина во Долнополошкиот срез и има 34 куќи со 213 жители, Албанци и Македонци.^[4]

Според германска карта издадена во 1941 година, а заснована на пописот на Кралство Југославија во 1931 година, селото имало 200 Албанци.^[5]

Според пописот на населението на Македонија од 2002 година, селото има 70 жители, сите Албанци.^[6]

Според последниот попис од 2021 година, во селото живееле 25 жители, сите Албанци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	234	—	253	276	283	319	297	0	95	70	25

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Родови

Горјане е албанско село.

Според истражувањата од 1948 година, родови во селото се:

Албански

• Доселеници: Алија (6 к.) доселени се од Буштрице во северна Албанија, во првата половина на 19 век. Го знаат следното родословие. Риза (жив на 36 год. во 1948 година) Раиф-Амит-Ризван-Али, кој се доселил во селото. Имаат иселеници во селото Сенокос; Грналар (5 к.) доселени се од Ујмишта во Љума. Го знаат следното родословие. Алија (жив на 38 год. во 1948 година) Зибер-Карасина-Деар, кој се доселил во селото. Имаат иселеници во Гостивар (едно семејство); Имерица или Реџолар (7 к.) доселени се од Калиса во северна Албанија. Го знаат следното родословие. Гарип (жив на 40 год. во 1948 година) Ракип-Елмаз-Имерица, мајката која се доселила со своите синови. Имаат иселеници во Сенокос; Бајрамлар или Партал (4 к.) доселени се од северна Албанија. Живееле некое време и во селото Ѓурѓевиште. Го знаат следното родословие Ферми (жив на 34 год. во 1948 година) Меди-Бајрам, кој се доселил во селото. Имаат роднини во селата Врапчиште, Ѓурѓевиште и некои други села; Браимлар (4 к.), Дурмишлар (3 к.) и Амзолар (4 к.) имаат исто потекло како и претходниот род. Од родот Дурмишлар има иселеници во Битола; Коваче (3 к.) доселени се од Чаја во Љума; Рочалар (1 к.), Шабанлар (1 к.) и Билал (1 к.) последните два рода се млади доселеници. Родот Билал се доселил во 1928 година од северна Албанија. Од родот Шабанлар има иселеници во селото Градец.^[11]

Општествени установи

Самоуправа и политика

Избирачко место

Во селото постои избирачкото место бр. 450 според Државната изборна комисија, сместени во просториите на основното училиште.^[12]

На претседателските избори во 2019 година, на ова избирачко место биле запишани вкупно 93 гласачи.^[13]

Културни и природни знаменитости

Редовни настани

Личности

Култура и спорт

Иселеништво