Градешка Река

Градешка Река (понекогаш Градешничка Река^[1]), позната и како Ковачица, Карлабашка Река, Старавинска Река, Урупска Река и Камена Река ​— река во јужниот дел на Македонија, во областа Мариово, и десна притока на Црна Река. Во минатото на оваа река работеле голем број воденици.^[2] На реката е изграден познатиот Зовички мост.^[3]

Градешка Река
Камениот мост во Зовиќ над Градешка Река
Местоположба
Физички особености
Извор
• место	Козјак
• надм. вис.	1.600 м
Устие
• место	Црна Река
• координати	41°08′22″N 21°41′46″E
• надм. вис.	410 м
Должина	26 км
Големина на сливот	116 км2[б 1]
Особености на сливот
Течение	Црна Река → Вардар → Егејско Море
Речен слив	Вардар

Течение

Реката извира на планината Козјак на надморска височина од 1.600 м, а во Црна Река се влева под селото Чебрен на надморска височина од 410 м. Од Старавина до вливот во Црна Река долината на реката е кањонска.^[4] Нејзина главна десна притока е реката Сатока која ја прима во месноста Еленик.^[2]

Хидрографија

Вкупната должина на реката изнесува 26 км. Сливното подрачје зафаќа површина од 116 км² и припаѓа на Егејскиот речен слив. Реката извира на надморска височина од 1.600 м, а нејзиниот влив е на надморска височина од 410 м, така што релативниот пад изнесува 45,8 ‰.^[4]

Галерија

• 
  Течението на Градешка Река
• 
  Поглед на Градешка Река
• 
  Воздушен поглед на Градешка Река
• 
  Градешка Река навлегува во клисура течејќи непосредно крај селото Зовиќ
• 
  Градешка река кај селото Градешница
• 
  Градешка река кај селото Градешница
• 
  Поглед на Градешка Река
• 
  Реката под Зовички мост

Поврзано

• Сатова
• Црна Река