Градиште (Беловиште)

Градиште — археолошко наоѓалиште т.е. утврдена населба од доцноантичкото време во тетовското село Беловиште^[1][2]. На северозападниот раб на селото се издига висок рид со стрмни падини што доминира над околниот терен. На врвот има остатоци од тврдина со кули и подградие.Според начинот на ѕидањето на бедемот, најнапред била заштитена северната страна, а подоцна јужната. Тврдината има неправилна триаголна основа со димензии од 120 м во правецот север-југ 50 м во правецот исток-запад. Во подградието се распознаваат темели од објекти, а во цитаделата има фрагменти од керамички садови, питоси, тегули, а биле најдени монети од IV и V век.

„Градиште“
Местоположба	42°08′03″N 21°06′24″E
Основни податоци
Место	Беловиште
Општина	Јегуновце
Тип	утврдена населба
Период	доцноантичко време
Портал „Археологија“

Поврзано

• Наоѓалиште „Поле“