Град (река)

Град или Граматиковска Река (грчки: Γραμματικό Ρέμα) — река во Егејска Македонија, притока на Островското Езеро.^[1]

Град Γραμματικό Ρέμα
Местоположба
Земји	Грција
Крај	Егејска Македонија
Физички особености
Извор
• место	Каракамен
• координати	40.6683°N 21.9390°E / 40.6683; 21.9390
Устие
• место	Островско Езеро кај Уклемеш
• координати	40.7228°N 21.7896°E / 40.7228; 21.7896
Особености на сливот
извор утока

Реката се образува во северозападниот дел на планината Каракамен во Негушко од мноштво потоци кои извираат северно под врвот Ликоскала. Тече првично на север, а кога ќе мине западно од воденското село Горно Граматиково свртува на запад јужно под црвот Варџар (1.096 м) и излегува од планината кај Долно Граматиково. Проаѓа низ селото (од кое го добива другото име) и тече на југозапад. Во месноста Карагача во Кајларско свртува на запад и минува низ клисура меѓу возвишенијата Курбан на север (835 м) и Град на југ, на кое е сместена истоимената тврдина Град. Во клисурата реката ја прима големата лева притока Стримнитка^[1] и тука на неа има два стари моста — Гелин мост под Град и подолниот Сандре-мост.^[2][3] Откако ќе излезе од клисурата северно од Катраница (Пирги) реката завива на северозапад и по мала клисура пролом се влева во Островското Езеро северно од леринското село Уклемеш.^[1]