Гратче (езеро)

Гратче или Кочанско Езеро (месно познато како Браната) — вештачко езеро сместено во подножјето на Осоговските Планини, на местото на некогашното село Долно Гратче, оддалечено околу 6 км северно од Кочани.^[1] Езерото има издолжен облик во правец север-југ и е со вкупна површина од 0,19 км².^[2]

Гратче
Поглед на езерото Гратче
Координати	41°57′47″N 22°24′30″E
Вид	вештачко
Главни приливи	Мала Река Велика Река
Главни истеци	Кочанска Река
Сливни земји	Македонија
Најг. должина	1,2 км км
Најг. ширина	0,2 км км
Површина	{{Пб/Грешка во изразот: Непрепознаен интерпункциски знак „к“ |1=Грешка во изразот: Непрепознаен интерпункциски знак „к“ }}0,19 км2 км2
Најг. длабочина	29 м м
Зафатнина	2,4 хм3[б 1] км3
Надм. височина	467 м м

Езерото било изградено на местото на коешто Мала и Велика Река ја образуваат Кочанска Река во 1959 година, со цел водоснабдување на градот Кочани и во помала мера за наводнување на Кочанското Поле.^[2]

Географија

Гратче било создадено на местото на коешто Мала и Велика Река ја образуваат Кочанска Река, каде што во минатото се наоѓало селото Горно Гратче, на надморска височина од 467 м. Езерото е долго 1,2 км, а широко е 0,2 км и има должина на бреговата линија од околу 3,5 км. Неговата површина изнесува 0,19 км², а најголемата длабочина е 29 м.^[2]

Брана и капацитет

Браната е изградена на Кочанска Река во 1959 година и претстсавува армиранобетонска брана со височина од 29 м, должина на круната од 145 м, ширина на мостот од 0,8 м и ширина на основата од 6 м. Со атмосферските врнежи, езерото годишно во просек добива вода од околу 383.000 м³. Браната има целокупна зафатнина од околу 2.250.000 м³, а водата се користи за наводнување и индустриски цели.<ref name="општина">На мостот на браната е поставена спомен-плоча во чест на изградбата на браната.^[2]

Туризам

Езерото Гратче има и туристичко-рекреативен карактер, со градот Кочани е поврзано по асфалтен пат, а на неговиот брег има неколку објекти со угостителски карактер и хотел. На северната страна на езерото, на самиот спој на Мала и Велика Река се наоѓа археолошкото наоѓалиште Долно Градиште. Околу езерото постојат планинарски пешачки патеки коишто овозможуваат да се заобиколи, а на оддалеченост од околу 1 км по течението на Велика Река се наоѓа Гратчевскиот Водопад којшто настанал со изградба на помошна брана на тоа место. Во повисоките делови од планината има видиковец, а од езерото има патека и до споменикот „Мактеон“.^[2]

Галерија

• 
  Панорама на езерото

• 
  Езерото во 1961 година
• 
  Браната
• 
  Браната со мостот
• 
  Браната со мостот

Поврзано

• Долно Гратче
• Долно Градиште
• Мала Река
• Велика Река
• Кочанска Река
• Гратчевски Водопад

Белешки

1. Според друг извор, вкупната зафатнина изнесува 2,25 хм³.