Гробишта (Корошишта)

Гробишта или Чифлик — археолошко наоѓалиште во близина на струшкото село Корошишта. Претставува населба и некропола од доцноантичко време. Се наоѓа на околу 500-800 м од селото, под местото на коешто се наоѓал каменолом. На падина обрасната со густи грмушки биле откриени 4 засводени гробници, во кои имало керамички садови и друг археолошки материјал. Во околните ниви, при обработувањето на земјата мештаните наидувале на темели од објекти. На површината се пронајдени многубројни фрагменти од керамички садови, питоси, покривни ќерамиди и градежен материјал. Наодите се чуваат во Заводот и музеј во Охрид.^[1]

„Гробишта“
Местоположба	41°14′57″N 20°44′54″E
Основни податоци
Место	Корошишта
Општина	Струга
Тип	населба  некропола
Период	доцноантичко време
Портал „Археологија“

Поврзано

• Корошишта;
• Герамидница — населба од доцноантичко време;
• Главина — црква и некропола од средниот век;
• Кале — утврдена населба од железно, доцноантичко време и среден век;
• Латинска црква — сакрален објект од доцноантичко време;
• Расница — населба од доцноантичко време и гробница од архајскиот период;
• Шаркуецка — црква и некропола од средниот век;
• Шекеими — црква од средниот век.