Дафне

Дафне е најрано дело што, според современите стандарди, може да се смета за опера.^[1][2][3] Либретото од Отавио Ринучини е целосно зачувано; а претежно изгубената музика е компонирана од Јакопо Пери, но барем два од шесте зачувани фрагменти се од Јакопо Корси. Дафне прво била изведена за време на карневалот во Палацо Корси во 1598 година.^[4]

Дафне
Опера од Јакопо Пери Јакопо Корси
Дафне бркана од Аполон, од Џовани Батиста Тјеполо, 1744
Изворно	Dafne
Либрето	Отавио Ринучини
Јазик	Италијански
Според	Дафне (митологија)
Премиерна изведба
Датум	1598 (1598)
Место	Палацо Корси, Фиренца

Историјат

Дафне е напишана за многу помал ансамбл од оперите на Клаудио Монтеверди (изведени за релативно кратко време по Дафне); и бил сочинет од чембало, лаута, виола, архилаута и три флејта.^[5]  Пери во операта вклучил рецитативи и мелодичен говор вметнат во музика, како централен дел на операта.^[6]

Се раскажува за Аполон кој се вљубил во нимфата Дафне. Операта е напишана за елитен круг хуманисти во Фиренца - Фиорентинска Камерата, меѓу 1594 и 1597 година, со поддршка, а можеби и соработка, од композиторот и покровител Јакопо Корси.^[6][7] Обидот за заживување на грчката драма,^[5] според современите учења, бил непретпознатлив за старите Грци.^[6]

Поголемиот дел од музиката на Пери е изгубена, и покрај популарноста и славата во Европа во времето кога била компонирана, но либретото од 455 стихови е отпечатено и е зачувано. Семејството Медичи кое владеело со Фиренца тоа време, било воодушевено со Дафне и дозволило следното дело од Пери, Евридика, да се изведе како дел од свадбата на Марија де Медичи и Хенри IV во 1600 година.^[8][9]