Дебарски Санџак

Дебарскиот санџак (турски: Debre Sancağı) бил еден од пониските административни единици во состав на Отоманското Царство, со седиште во Дебар.^[1]

Дебарски санџак Debre Sancağı Sanxhaku i Dibrës
Санџак на Отоманското Царство
1395–1913 →   →
Знаме
Местоположба на Дебарски санџак Дебарскиот санџак од крајот на 19 век
Главен град/седиште		Дебар
Составни делови		{{{entities}}}
Историја
-	Основана	1395
-	Лондонски договор (1913)	30 мај 1913
Денес во		Македонија  Албанија

Територијална поделба

Покрај Дебар и околината, овој санџак ги вклучувал Дебрца и Долна Река кои денес се дел од Република Македонија, но и областите Мат и Кроја што денес влегуваат во рамките на Албанија. Во XIX и XX век, Дебарскиот санџак бил поделен на кази:

• Дебарска Каза
• Долнодебарска Каза
• Реканска Каза
• Елбасанска Каза
• Матска Каза.^[2]

Во 1864 година започнала административна реформа во Отоманското Царство, со формирање на поголеми административно-управни единици вилаети по пример на француските департмани. Реформата го вклучила и дебарскиот санџак кој таа година заедно со Призренскиот и Скадарскиот санџак влеговл во рамките на Скадарскиот вилает. Во 1871 година кога е формиран Призренскиот вилает во неговиот состав покрај Призренскиот и Скопскиот санџак влеговл и Дебарскиот.

Призренскиот вилает бил расформиран во 1875 година, кога санџаците во Призрен, Скопје и Дебар биле додадени кон Битолскиот вилает. Во јануари 1877 година Отоманското Царство повторно спровела реорганизација на вилаетите во Европа. На границите со Кнежевство Србија и Кнежевство Црна Гора со кои Отоманското Царство било во војна, формиран бил Косовски вилает со центар во Приштина, во чиј состав влегол и Дебарскиот санџак.

Повторно е вратен кон Битолскиот вилает во 1879 година, каде останал сè до 1913 година, кога по Првата балканска војна и по Лондонската конференција, бил поделен меѓу Кралство Србија и Кнежевство Албанија.^{[3][4][5][6][7]}