Тетовски дијалект

Тетовски дијалект^[1] (познат и како: долнополошки; месно познат како: тетосќи) — дијалект на македонскиот јазик. Дијалектот спаѓа во групата на западни дијалекти од северното наречје. Тетовскиот дијалект се зборува во тетовската околина, поточно во градот Тетово, општина Брвеница и општина Јегуновце (без селата Вратница, Беловиште, Старо Село и Рогачево кои го говорат вратничкиот дијалект). Дијалектот е сличен со горанскиот дијалект, а негова главна одлика е зачестената употреба на предлогот у, замена на самогласката а со самогласката у и користење на -е како множинска наставка.^[2]

Тетовскиот дијалект на картата на македонските дијалекти

	Приказна за страданијата на убавата царска ќерка Извадок од приказна раскажана од стара жена од с. Челопек, Тетовско, на тетовски дијалект.
Проблеми со пуштањето? Помош.

Оглас испишан на тетовски, но со латинично писмо

Фонолошки одлики

• старото самогласно л е заменето со групите у/ лу/ ла: јаболко > јабука , солза > слăза;
• употреба на самогласката а наместо е: трева > трава ;
• употреба на ă наместо јерот: лаже > лăже ;
• употреба на у наместо црковномакедонското ОН: пат > пут^[3]

Морфолошки одлики

• употреба на наставката -мо за прво лице множина: одиме > идемо
• непчаното Ј пред буквата Е на почеток на збор: јазик > језик
• согласната група мн е заменета со согласната група мл: многу > млогу
• употреба на предлогот у: во град > у град^[3]