Ефимија

Ефимија (Евфема), ([Ευφήμη] Error: {{Langx}}: unrecognized language code: gr (help)) во старогрчката митологија било име на повеќе личности. Името значи „религиозна смиреност“.^[1]

Митологија

• Била ќерка на Хефест и Аглаја, персонификација на речитоста, (елоквенцијата).^[2] Таа била дух или демон на добрите зборови, одобрувањето (акламацијата), пофалбите, аплаузите и извиците на триумф. Нејзина спротивност бил Мом (критиката). Со своите сестри Евклеја, Евтенија и Филофросина најверојатно ја сочинувале групата помлади Харити, односно Грации.^[3]
• Ефимија била нимфа од планината Хеликон во Беотија, веројатно ќерка на речниот бог Термес.^[4] Таа ги одгледала музите, а според некои извори и малиот Зевс.^[5] Неа ја сакал Пан и со него го имала синот Крот, кој им бил придружник на музите. Оваа нимфа, чие име означувало и добар говорник, најверојатно била најада од хеликонските извори, за кои се верувало дека имаат вода што ги инспирира поетите. Можеби била идентификувана со Аганипа.^[4] За неа пишувале Хигин и Павзаниј.^[5]
• Според Хигин, Ефимија била една од Данаидите, мажена за Хипербие.^[6]

Поврзано

• Ефимија — Јупитерова месечина наречена во чест на митската личност