Иван Сантаромита

Иван Сантаромита (италијански: Ivan Santaromita; р. 30 април 1984 во Варезе) — италијански професионален друмски велосипедист, кој вози за професионалната континенталната екипа Нипо-Вини Фантини-Фезане.^[1]

Иван Сантаромита

Сантаромита на Вуелта а Еспања 2013.
Лични податоци
Цело име	Иван Сантаромита
Роден	30 април 1984(1984-04-30) (41 г.) Варезе,  Италија
Висина	1,76 м
Маса	58 кг
Податоци за клубот
Мом. клуб	Нипо-Вини Фантини-Фезане
Дисциплина	друмски велосипедизам
Улога	возач
Професионални клубови
2005 2006–2007 2008–2010 2011–2013 2014–2015 2016 2017-	Квик Степ-Инерџетик (стажант) Квик Степ-Инерџетик Ликвигас Верандас Вилемс-Аксент Орика-ГринЕЏ Скајдајв Дубаи Про Сајклинг Нипо-Вини Фантини
Значајни победи
Големи трки Џиро д’Италија 1 ТТТ етапа (2014) Еднодневни трки и класици Национален друмски првак (2013)
Последна промена 3 септември 2018

Кариера

Станал професионалец со Квик Степ-Инерџетик во 2006, пред да се префрли во Ликвигас во 2008. Во 2010 ја освоил првата значајна победа како професионалец на Сетимана Интернационале Копи е Бартали, доминирајќи на етапната трка, освојувајќи ја со повеќе од една и пол минута предност пред Пшемислав Њемјец.^[2]

Во 2013, Сантаромита ја освоил третата етапа на Џиро дел Трентино. Стигнал до целта со Микеле Скарпони и Паоло Тиралонго и триото било остаток од раното бегство. Сантаромита го претекнал двоецот за прва негова победа од 2010.^[3] Сантаромита го напуштил Аксент Џобс-Ванти^[4] на крајот на сезоната 2013 и му се приклучил на Орика-ГринЕЏ за сезоната 2014.^[5]

Во 2014 година, Сантаромита бил првиот возач кој се повлекол од Вуелта а Еспања на седмата етапа откако скршил прст при пад.^[6]

Во 2015 година завршил на шестото место во генералниот пласман на Трката околу Норвешка.^[7]

Достигнувања

2007

10. Краен пласман Трка околу Џорџија

2010

1. Краен пласман Сетимана интернационале Копи е Бартали

2013

1. Национално друмско првенство

1. Етапа 3 Џиро дел Трентино

5. Гран Премио дела Коста Етруски

9. Џиро ди Ломбардија

2014

1. Етапа 1 (ТТТ) Џиро д’Италија

2015

6. Краен пласман Трка околу Норвешка

2016

7. Краен пласман Тур де Лангкави

2017

9. Краен пласман Трка околу Словенија

9. Џиро дел’Апенино

2018

4. Национално друмско првенство

Распоред на резултатите на големите трки

Голема трка	2008	2009	2010	2011	2012	2013	2014	2015	2016
Џиро	—	—	—	—	52	30	СО	—	—
Тур	—	—	—	83	—	—	—	—	—
Вуелта	125	—	65	117	—	48	СО	—	—

СО = се откажал; — = не учествувал