Илија Михајлов

Не треба да се поистоветува со Илија Михајлов (партизан).

Илија Михајлов (роден на 29 мај 1907 година во Велико Трново - починал на 15 август 1973 година во Белград) — македонски професор на Земјоделско-шумарскиот факултет во Скопје, специјалист за областа уредување на шумите и за предметите уредување на шумите и дендрометрија.^[1]

Илија Михајлов
Роден	29 мај 1907 Велико Трново, Царство Бугарија
Починал	15 август 1973 Белград, СР Србија, СФРЈ
Националност	Југословен
Народност	Македонец
Занимање	професор

Животопис

Михајлов дипломирал на Земјоделско-шумарскиот факултет во Софија (1930), каде што бил избран за асистент (1933). Докторирал на Земјоделско-шумарскиот факултет во Загреб (1939), а подоцна работел во Врховната стопанска комора во Софија (1944–1947). Еден од првите професори на Земјоделско-шумарскиот факултет во Скопје по неговото формирање (1947). Истакнат и познат научен работник на домашен и на меѓународен план. Автор е на првиот учебник по „Дендрометрија“ за студентите од областа на шумарството во Македонија (1953), како и на „Уредување на шумите“. Објавил повеќе од 60 научни трудови.