Копач (село)

Копач или Копач Маала (грчки: Βέργη, до 1927 г. Κοπάτσι, Копаци^[2]) — село во Нигритско, Егејска Македонија, денес во општината Визалтија на Серскиот округ, Грција. Било населено со македонско мнозинство и турско малцинство. Некои извори погрешно ги водат Македонците како Грци.

Копач Μανδράκι
Копач
Местоположба во областа Копач Местоположба на Копач во Серскиот округ и областа Централна Македонија
Координати: 40°57.14′N 23°23.54′E
Земја	Грција
Област	Централна Македонија
Округ	Серски
Општина	Визалтија
Општ. единица	Визалтија
Надм. вис.	&1000000000000005500000055 м
Население (2021)[1]
• Вкупно	549
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа на западниот крај на Серското Поле, во подножјето на Богданска Планина. Лежи на левиот брег на реката Копач Дере.

Историја

Во Отоманското Царство

Во XIX и почетокот на XX век Копач било село во Серската каза.

Во „Етнографија на вилаетите Адријанопол, Монастир и Салоника“ се вели дека во 1873 г. Копач (Kopatch) имал 66 домаќинства со 160 Грци и 30 муслимани.^[3]

Во 1889 г. Стефан Верковиќ („Топографическо-этнографическій очеркъ Македоніи“) напишал за Копач, погрешно сметајќи ги жителите за Грци:

„

Копач: мешано село; 1 црква, 1 џамја, христијаните се Грци, а муслиманите — Турци Коњари, на два часа од Нигрита.[4]

“

Во 1891 г. Георги Стрезов дава правилна слика за населението:

„

Копач, село на 4 часа на ЈЗ од градот во подножјето на планината. Плодна почва за сè и од вкусни овошја излегуваат многи добри лубеници и дињи. Блиската суводолица која се спушта од планината прави доста пакости по нивите. Грчка црква; 70 куќи Македонци.[5][6]

“

Според Васил К’нчов („Македонија. Етнографија и статистика“) на почетокот на XX век селото имало 620 жители, сите Македонци христијани.^[7][8]

По погрешни податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Копач (Kopatch) живееле 400 „Грци“ и во селото работело грчко училиште со еден учител и 19 ученици.^[9]

Во Грција

За време на Првата балканска војна селото е окупирано од Бугарија, но по Втората балканска војна во 1913 г. е припоено кон Грција согласно Букурешкиот договор. Таа година населението броело 394 жители, а во 1920 г. се накачило на 481 жител.^[10] Во 1924 г. години во селото се доведени грчки колонисти. На пописот од 1928 г. Копач е претставе како мешано село со 667 жители, од кои 47 лица (12 семејства) биле грчки дојденци, а останатите македонски мештани.^[11]

Во 1927 г. Копач е преименуван во Верги по грчкиот изговор на античкиот град Берге согласно политиката на присвојување на древната историја на Македонија.

Во 1979-1982 г. е изградена црквата „Св. Илија“.^[12]

Месности во Копач преименувани со службен указ на 6 јули 1968 г.

Име	Грчки	Ново име	Грчки	Опис
Хаседеман	Χασεδεμάν	Дасотон	Δασωτόν[13]
Аљобаси[14]	Άλιόμπαση	Декакефалон	Δεκακέφαλον[13]	возвишение на Богданска Планина на ЈЗ од Копач[14]
Телкиџик[14]	Τελκιτζίκι	Микри Алепу	Μικρή Άλεπού[13]	возвишение на Богданска Планина на ЈЗ од Копач (352 м)[14]
Кавак Дере[14]	Καβάκ Ντερέ	Левкокорифи	Λευκοκορφή[13]	возвишение на Богданска Планина на ЈЗ од Копач (326 м)[14]
Чалюр Јавре[14]	Τσαλιούρ Γιαβρέ	Ангати	Αγκάθι[13]	возвишение на Богданска Планина на ЈЗ од Копач (271 м)[14]
Плаја[14]	Πλάϊα	Анавасис	Άνάβασις[13]	месност на Ј од Копач[14]
Чамур Фјубра[14]	Τσαμούρ Φιουμπρά	Ласопотопос	Λασπότοπος[13]	возвишение на Богданска Планина на З од Копач (154 м)[14]
Копач Дере[14]	Κοπάτσι	Скапани	Σκαπάνη[13]	поранешно село на Богданска Планина на ЈЗ од Копач[14]
Кара Таш[14]	Καρά Τάς	Маври Петра	Μαύρη Πέτρα[13]	возвишение на ССЗ од Копач[14]
Копач Дере[14]	Κοπατσινό	Скапанис Рема	Σκαπάνης Ρέμα[13]	река на С од Копач[14]

Опшествени установи

• Црква „Св. Илија“

Личности

• Атанас Константинов (1890 – ?) — борец во МОО, IV чета на V Одринска дружина^[15]

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	886	976	1.168	1.203	1.155	1.025	967	699	549

Извор за 1940-1991 г.: Т. Симовски, Населените места во Егејска Македонија