Кралство Куско

Кралството Куско било мало кралство на Андите во Јужна Америка, денес Перу. Кралството на почетокот било град-држава основана од Инките во 12 век. Низ следните векови, или преку војна или преку мировни договори, кралството започнало да се проширува и се создала познатата Империја на Инките.

Кралство Куско Curacazgo Inca
1197–1438
Главен град	Куско (1197-1438)
Говорени јазици	кечуански јазик, пукина јазик.
Вероисповед	Инкска религија
Уредување	Монархија
Сапа Инка
• 1200-1230	Манко Капак
• 1230-1260	Синчи Рока
• 1260-1290	Локе Јупанки
• 1290-1320	Мајта Капак
• 1320-1350	Капак Јупанки
• 1350-1380	Инка Рока
• 1380-1410	Јахуар Хуакак
• 1410-1438	Виракоча
Историски период	пред-колумбиски
• Манко Капак го оформил кралството	1197
• Пачакутек го основал Тавантинсију	1438
Површина
40.000 km2 (15,000 sq mi)
Претходници Наследници Империја Вари Империја на Инките

Историја

Кралството Куско.

Главна статија: Историја на Инките

Своите организирани цивилизациски почетоци Инките ги бележат во 12 век. Под водство на Манко Капак, тие создале мала град-држава Куско, денес во државата Перу во Јужна Америка. Во 1438 година, под водство на Сапа Инка Пачакутек започнал со проширување на територијата на кралството. Територијата што ја освоил денес се споредува со тринаесетте колонии кои ги создале САД во 1776 година. Таа територија ги опфаќала во голем дел Андите.

Подоцна, Пачакутек го реорганизирал кралството во империја позната како Тавантинсују. Новата империја била од федерален систем со Сапа Инка како водач на истата. Под него биле управителите на четирите покраини од кои била создадена империјата: Чинчасују, Антисују, Контисују и Коласују.

Сапа Инки

Манко Капак.

Главна статија: Сапа Инка

Прва династија

Во историјата малку се знае за првата династија Сапа Инки. Нивното владеење започнало со Хурин и опсегот на владеење не се проширил надвор од границите на Кралството Куско. Нивното потекло е тесно сврзано со митското основање на Куско. Династијата била основана од Манко Капак, кој се сметал за син на богот на сонцето и негови наследници се: Синчи Рока, Локе Јупанки, Мајта Капак и Капак Јупанки. Како репутација на Сапа Инките, наредните владетели се именувале како „капак“ или воен водач и „синчи“ или водач. Како почеток на династијата се смета 1200 година.

Втора династија

Втората династија владеела со Тавантинсују, и не е дел од управувачката структура на Кралството Куско.

Користена литература

• (шпански) María Rostworowski. Enciclopedia Temática del Perú: Incas. Lima: El Comercio S.A., 2004.
• (шпански) Editorial Sol 90. Historia Universal 5: América precolombina. Barcelona, España, 2002.
• (англиски) Bushnell. Peru, Ancient people and places.
• (англиски) MacQuarrie, Kim. The Last Days of the Incas. Simon & Schuster, 2007. ISBN 978-0-7432-6049-7.

Поврзано

• Портал: Инки

• Империја на Инките
• Инки