Крнино

Крнино — село во југоисточниот дел на Општина Чашка, Велешко.

Крнино
Крнино Местоположба на Крнино во Македонија Крнино на карта
Координати 41°31′15″N 21°46′42″E
Регион	Вардарски
Општина	Чашка
Население	0 жит. (поп. 2021)[1]
Пошт. бр.	1414
Повик. бр.	043
Шифра на КО	29034
Надм. вис.	760 м
Крнино на општинската карта Атарот на Крнино во рамките на општината
Крнино на Ризницата

Географија и местоположба

Селото се наоѓа во средното сливно подрачје на реката Бабуна. Сместено е во ридски предел, на надморска височина од 760 м, а атарот му зафаќа површина од 9,9 км^2[2]

Историја

Подрачјето на Крнино е населено уште од римско време, за што сведочи наоѓалиштето Србиница, 1,5 км североисточно од селото.^[3]

Во XIX век Крнино било чисто македонско село во Велешката каза на Отоманското Царство. Според статистиката на Васил К’нчов („Македонија. Етнографија и статистика“) од 1900 г. селото имало 240 жители Македонци христијани.^[4][5]

На почетокот на XX век жителите на селото потпаднале под врховенството на Бугарската егзархија. Според статистиката на егзархискиот секретар Димитар Мишев („La Macédoine et sa Population Chrétienne“) во 1905 г. в Крнино (Karnino) живееле 376 Македонци, сите под егзархијата.^[4][6]

На етничката карта од 1927 г. Леонард Шулце Јена го обележал Крнина (Krnina) како македонско христијанско село.^[7]

Според германска карта издадена во 1941 година, а заснована на пописот на Кралство Југославија во 1931 година, селото имало 150 Македонци.^[8]

Стопанство

Селото има полјоделско-сточарска функција. Според податок од 1990-тите, 495 ха отпаѓале на пасишта, 397 ха на шуми и само 78 ха на обработливо земјиште.^[2]

Население

Население во минатото

Година Нас. ±% 1948 183 —     1953 133 −27.3% 1961 42 −68.4% 1971 11 −73.8% 1981 6 −45.5%	Година Нас. ±% 1991 3 −50.0% 1994 2 −33.3% 2002 3 +50.0% 2021 0 −100.0%

Населението на селото значајно пораснало на почетокот на XX век. По Втората светска војна е забележано располовување на бројноста. Во текот на 1950-тите населението значително опаднало на (42 лица во 1961 г.) и продолжило експоненцијално да опаѓа во наредните децении.

Според пописот од 2002 година, Крнино имало 3 жители.

Според последниот попис од 2021 година, во селото немало жители.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	240	376	183	133	42	11	6	3	2	3	0

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]

Општествени установи

• Црква „Св. Никола“ од XIX век, дело на познатиот мајстор Андон Китанов

Самоуправа и политика

Културни и природни знаменитости

Археолошки наоѓалишта

• Србиница — населба и некропола од римско време

Иселеништво

Според истражување направено во 1920-тите, родот Крнинци (3 куќи) во селото Долно Чичево, Општина Градско бил доселен од Крнино, но не е даден податок кога.^[13]