Ксенте Богоев

Ксенте Богоев (Леуново, 20 октомври 1919 – Скопје, 20 април 2008 ) — македонски економист, академик и универзитетски професор.^[1]

Ксенте Богоев
Ректор на Универзитетот „Св. Кирил и Методиј“
На должноста 1965 – 1967
Претходник	Георги Филиповски
Наследник	Благој Попов
Петти Претседател на Извршниот совет
На должноста 1968–1974
Претходник	Никола Минчев
Наследник	Благоја Попов
Претседател на Народната банка на Југославија
На должноста 1977–1981
Претходник	Бранислав Чолановиќ
Наследник	Радован Макиќ
Четврти Претседател на МАНУ
На должноста 1992–1999
Претходник	Јордан Поп Јорданов
Наследник	Ѓорѓи Евремов
Лични податоци
Роден(а)	20 октомври 1919 Леуново, Кралство СХС
Починал(а)	20 април 2008 Скопје, Македонија
Националност	Македонец
Народност	Македонец
Партија	КПМ
Установа	Економски факултет - Белград
Професија	економист универзитетски професор академик
Потпис

Дипломирал и докторирал на Економскиот факултет во Белград. Бил професор и декан на Економскиот факултет во Скопје (1960-1963), ректор на Универзитетот „Св. Кирил и Методиј“ (1965-1967), претседател на Извршниот совет на Собранието на СРМ (1968-1974), член на Претседателството на СРМ (1974-1977) и гувернер на Народната банка на Југославија (1977-1981). Член е на МАНУ од 1974, а во периодот 1992-1999 е и негов претседател.

Ксенте Богоев е автор на 250 научни и стручни трудови. Основоположник е на научните дисциплини од областа на фискалната и на монетарната теорија и политика. Добитник е на повеќе признанија и награди.

Награди

Во 2007 година бил одликуван со Орденот за заслуги за Македонија.