Ларце
село во Општина Желино From Wikipedia, the free encyclopedia
Remove ads
Ларце — село во Општина Желино, во околината на градот Тетово.
Remove ads
Географија и местоположба
Селото се наоѓа во областа Долни Полог, оддалечено 18 километри југоисточно од Тетово. Селото лежи на горното течение на реката Суводилица, на северните падини на Сува Гора. Во близина на Ларце се селата Добарце и Чифлик.
Историја
Според податоците на бугарскиот етнограф Васил К’нчов, селото во 1900 година имало население од 138 муслимани (Албанци).[2] Рускиот публицист Афанасиј Селишчев во 1929 година забележал дека селото било дел од Општина Групчин и имало 90 куќи со 562 жители Албанци.[3]
Население
По Балканските војни е забележано со 400 жители.[4]
Според германска карта издадена во 1941 година, а заснована на пописот на Кралство Југославија во 1931 година, селото имало 550 Албанци.[5]
Според пописот на населението на Македонија од 2002 година, селото има 1.868 жители, од кои 5 Македонци, 1 Турчин, 1.859 Албанци, 1 Бошњак и 2 останати.[6]
Според последниот попис од 2021 година, во селото живееле 1.850 жители, од кои 1.804 Албанци и 46 лица без податоци.[7]
Во табелата во продолжение е направен преглед на населението во сите пописни години:
- Извор за 1900 г.: Македонија. Етнографија и статистика.[8]; за 1905 г.: La Macédoine et sa Population Chrétienne.[9]; за 1948-2002 г.: Државен завод за статистика на РМ.[10]; за 2021 г.: Државен завод за статистика на РМ.[11]
Самоуправа и политика
Избирачко место
Во селото постојат избирачките места бр. 2100 и 2101 според Државната изборна комисија, сместени во просториите на основното училиште. Во ова избирачко место е опфатено и селото Расино.[12]
На претседателските избори во 2019 година, на овие избирачки места биле запишани вкупно 1.790 гласачи.[13]
Поврзано
Наводи
Надворешни врски
Wikiwand - on
Seamless Wikipedia browsing. On steroids.
Remove ads