Лисец

Лисец — село во Општина Тетово, во околината на градот Тетово.

Лисец
Лисец Местоположба на Лисец во Македонија Лисец на карта
Координати 42°1′59″N 20°55′27″E
Општина	Тетово
Население	384 жит. (поп. 2021)[1]
Шифра на КО	28042, 28542
Надм. вис.	1360 м
Лисец на општинската карта Атарот на Лисец во рамките на општината
Лисец на Ризницата

За други значења на поимот, погл. Лисец (појаснување).

Географија и местоположба

Селото се наоѓа во источните падини на Шар Планина, во областа Долни Полог, оддалечено 11,5 километри западно од Тетово.

Историја

Стопанство

Население

Население во минатото

Година Нас. ±% 1948 770 —     1953 798 +3.6% 1961 852 +6.8% 1971 1.046 +22.8% 1981 1.070 +2.3%	Година Нас. ±% 1991 3 −99.7% 1994 814 +27033.3% 2002 692 −15.0% 2021 384 −44.5%

Според статистиката на Васил К’нчов („Македонија, Етнографија и статистика“) од 1900 година, во Лисец живееле 300 жители, сите Албанци.^[2]

Според Афанасиј Селишчев во 1929 година селото било дел од Селечка општина со центар во Шипковица и имало 100 куќи со 540 жители, сите Албанци.^[3]

Според германска карта издадена во 1941 година, а заснована на пописот на Кралство Југославија во 1931 година, селото имало 550 Албанци.^[4]

На пописот од 2002 година, селото имало 692 жители, сите Албанци.^[5]

Според последниот попис од 2021 година, во селото живееле 384 жители, од кои 5 Македонци, 340 Албанци, 1 останат и 38 лица без податоци.^[6]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	300	—	770	798	852	1.046	1.070	3	814	692	384

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Родови

Лисец е албанско село.

Како најстар албански род во селото се споменува родот Шаља (37 куќи). Потекнува од родот Шаља во северна Албанија (во околината на Скадар), а тука се доселил во втората половина на 18-от век.^[11]

Според истражувањата од 1948 година, родови во селото се

• Шаља (37 к.) името го добиле по фисот Шаља во северна Албанија (околината на Скадар). Од таму се доселиле во XVIII век.
• Баки (12 к.) имаат исто потекло како и претходниот род.
• Љуц (11 к.) доселени се од Љура во северна Албанија.
• Арнор или Цили Мили (14 к.) доселени се од селото Арна во северна Албанија.
• Џоке (15 к.) доселени се од Ујмиште во северна Албанија.
• Берише (16 к.) потекнуваат од фисот Бериша во северна Албанија.
• Торбеши (4 к.) они се албанизирани. Доселени се од горанското/торбешко село Урвич. Кога дошол основачот на родот говорел македонски. Но се поалбанчиле мешајќи се со Албанците. Сега се издаваат дека припаѓаат на родот Баки.^[12]

Општествени установи

Самоуправа и политика

Избирачко место

Во селото постои избирачкото место бр. 2083 според Државната изборна комисија, сместени во просториите на основното училиште.^[13]

На претседателските избори во 2019 година, на ова избирачко место биле запишани вкупно 761 гласач.^[14]

Културни и природни знаменитости

Редовни настани

Личности

• Хиџет Рамадани (2 октомври 1924 - Скопје, 1990) - македонски и југословенски правник и политичар
• Проф. д-р Сади Беџети (р.1 ноември 1957) - македонски универзитетски професор, ректор на Тетовскиот универзитет и поранешен градоначалник на Општина Тетово.
• Насер Мисини - член на ДПА, опишуван како сива еминенција на актуелното водство на партијата.

Култура и спорт

Иселеништво