Лоарски Крај

Лоарски Крај (француски: Pays de la Loire, француски изговор: [pɛ.i də la lwaʁ]) — еден од 27-те региони во Франција. Тој е еден од регионите создадени во доцниот 20 век за да му служи како зона на влијание на неговиот главен град, Нант, односно, еден од оние региони наречени ’’метрополи на баланс’’(métropoles d'équilibre) исто како Рона-Алпи, регион создаден заради градот Лион, и Југ-Пиринеи, создаден заради Тулуза.

Лоарски Крај Pays de la Loire
Знаме Амблем
Земја	Франција
Префектура	Нант
Департмани	5 Лоара-Атлантик Мен и Лоара Мајен Сарт Ванде
Управа
• Претседател	Жак Оксиет (PS (Социјалистичка партија))
Површина
• Вкупна	32.082 км2 (12,387 ми2)
Население (2015-01-01)
• Вкупно	3.718.512
• Густина	120/км2 (300/ми2)
Час. појас	CET (UTC+1)
• Лето (ЛСВ)	CEST (UTC+2)
NUTS	FR5
Мреж. место	paysdelaloire.fr

Историја

Дворецот Монтсоро-Музеј на современа уметност и Лоара.

Лоарскиот Крај е создаден од следниве историски провинции:

• дел од Бретања, со нејзината стара престолнина Нант во департманот Лоара-Атлантик. Ова е само 20% од Бретања. Останатите 80% се дел од регионот Бретања
• Анжу: со департманот Мен и Лоара. Целата поранешна провинција Анжу денес се содржи во Лоарскиот Крај.
• Мен: денес поделена провинција на департманите Мајен и Сарт. Старата провинција Мен целосно се содржи во регионот.
• дел од Поату: се содржи во департманот Ванде. Поголемиот дел од старата провинција Поату денес се наоѓа во регионот Поату-Шаранта.
• дел од Перш: се наоѓа на североисток во департманот Сарт. Остатокот од Перш е во регионите Долна Нормандија и Центар-Долина на Лоара.
• мал дел од Турена: североисток во департманот Мен и Лоара. Поголемиот дел од Турена денес се наоѓа во регионот Центар-Долина на Лоара.

Оттука, името на регионот, избрано од страна на француската извршна власт, не се засновало на историјата, туку само на географски одредници: Pays (односно "земји") de la Loire (односно "на Лоара"). Сепак, поголемиот дел на познатите замоци по долината на Лоара се наоѓаат во регионот 'Центар-Долина на Лоара, а не во Лоарски крај.

Географија

Петте департмани и нивните главни градови

Регионот Лоарски Крај се протега на површина од 32.082 км². Името го носи по реката Лоара која минува низ дв од неговите департмани пред да се влее во Атлантскиот Океан. Последните нејзини притоки го напојуваат регионот. Тоа се реките Лоар, Сарт и Мајен кои се здружуваат за да ја формираат реката Мен во Анже, реката Ердр, на север ; реката Туе и Нантска Севра на југ. Вкупно во регионот има 18.000 километри водни текови. Релљефот на регионот претежно е долина. Највисока точка е планината Авалоар (417 метри). Регионот го заплискува Атлантскиот Океан во должина од 368 километри и поседува два поголеми острова – островот Ноармутје и островот Ил д`Ие. Брегот е на некои места е марпест а некаде песоклив, особено кај устието на Лоара. Во однос на површината, регионот е петти по големина во Франција зад Југ-Пиринеи (1), Рона-Алпи (2), Аквитанија (3), Центар-Долина на Лоара (4)).

Демографија

Жителите на Лоарски Крај се нарекуваат Лигеријци (Ligériens)^[1]. На 1 јануари 2008, населението во Лоарски Крај броело 3.510.170 жители^[2]. Населението е поконцентрирано околу седумте поголеми урбани зони со повеќе од 100.000 жители како : Нант, Анже, Ле Ман, Ла Рош-сир-Јон, Шоле, Сен-Назер и Лавал.

• Раст на населението прикажано по департпан:

Година	Население по департман
	Лоара-Атлантик департман	Мен и Лоара департман	Мајен департман	Сарт департман	Ванде департман	Вкупно во Лоарски Крај
1801	369,305	375,544	305,654	388,143	243,426	1,682,072
1851	535,664	516,197	374,566	473,071	383,734	2,283,232
1901	664,971	515,431	313,103	422,699	441,311	2,357,515
1921	649,691	475,485			397,292	2,174,150
1936	659,428	478,404	251,348	388,519	389,211	2,166,910
1946	665,064				393,787	2,224,163
1954	733,575				395,641	2,320,177
1962	803,372	535,122	250,030	443,019	408,928	2,440,471
1968	861,452	585,563	252,762	461,839	421,250	2,582,866
1975	934,499	629,849	261,789	490,385	450,641	2,767,163
1982	995,498	675,321	271,784	504,768	483,027	2,930,398
1990	1,050,539	704,668	277,748	513,280	508,962	3,055,197
2005	1,208,761	754,997	297,854	551,971	587,162	3,400,745

Стопанство

Лозје во Брем, Лоарски крај

Во поглед на население и бруто-домашниот производ, регионот е на 5то место во Франција. Економијата е значајна во земјоделско-прехранбената индустрија (на 3-то место во Франција) со своите 51 % во производството на месо, 19 % млеко, 20% жита. Земјоделството зазема 67 % од територијата. Лоарски Крај е на прво место во Франција по производство на говедско месо а на второ по производство на млеко, компир, пилешко и свинско месо.

Знаменитости

• Национален оркестар на Лоарски Крај е значаен елемент за културата на Лоарски Крај. Со над двесте концерти годиншно, собира близу 200.000 гледачи годишно.

Анжерска апокалипса во Анжерскиот замок

• Фестивалот на класична музика La Folle Journée во Нант обично кон крајот на јануари.
• Пи ди Фу по дневна посетеност е втор француски забавен парк.
• Вал де Лоар, како дел од светското културно наследство на УНЕСКО, делумно се содржи во регионот Лоарски Крај. Замоците на Лоара кои се наоѓаат во регионот се замоците Монтреј-Беле, Замок, Сомир, Брисак, замокот Ле Лид, Божески замок, замокот Серан, Анжерски замок и замокот Плеси-Буре.
• Манска катедрала, замокот на војводите од Бретања во Нант.
• Средновековниот град Геранд
• Замокот Клисон
• Анжерска апокалипса сместена во галериите на замокот во Анже.