Мараја Кери
From Wikipedia, the free encyclopedia
Remove ads
Мараја Кери (анг. Mariah Carey; родена 27 март 1969[2][3] различни извор) е американска R&B/поп пејачка-текстописец, снимачки продуцент и глумица.
Remove ads
Животопис
За време на снимањето на третиот албум „Music box, Кери ја започнала врската со Томи Мотола, тогашен директор на дискографската куќа „Сони“, со кого се венчала во јуни 1993 година, а бракот завршил со развод во 1997 година. Една деценија подоцна, Кери се омажила со раперот и продуцентот Ник Кенон, со кого ги има близнаците Морокан и Монро (крстена според Мерилин Монро). Во 2015 година се запознала со милијардерот Џејмс Паркер, кој во јануари 2016 година ја побарал за жена, со 35-каратен дијамантски прстен.[4] Сепак, пред планираната венчавка, тие ја раскинале врската, а Кери барала отштета од 50 милиони долари, обвинувајќи го свршеникот дека ја измамил.[5] Самата Кери истакнала дека нејзината најголема инспирација била Мерилин Монро. Оттука, меѓу вредните предмети во нејзиниот дом се наоѓало и белото пијано што го поседувала Мерилин Монро.[4]
Remove ads
Музичка и филмска кариера
Кери за првпат снимила албум во 1990 година, под контрола на претставникот на Columbia Records, Томи Мотола, по што станала првиот артист кој имал пет топ десет синглови на табелата Билборд Хот 100 во САД. По нејзиниот брак со Мотола во 1993 година, следеле уште неколку хит песни вклучувајќи ги и „Dreamlover“, „Hero“ и „Without You“ од дијамантскиот албум Music Box.
Во април 2016 година излегол нејзиниот компилациски албум „No. 1 to infinity“, кој ги содржи сите 18 песни што стигнале на врвот на топ-списокот на „Билборд“, како и една нова песна со наслов „Infinity“. Таа имала и редовно шоу во Лас Вегас, а во 2015 година го режирала телевизискиот филм „Божиќна мелодија“, во кој играла и една од главните улоги. Во 2015 година, Кери потпишала повеќегодишен договор со издавачката куќа „Епик“. На 4 декември 2016 година, на каналот „Е!“ започнало емитувањето на документарното реално шоу „Светот на Мараја“, составено од осум епизоди во кое биле прикажани делови од снимањето на новиот албум, подготовките за европската турнеја.[6][7]
Remove ads
Дискографија
Албуми
- Mariah Carey (1990)
- Emotions (1991)
- Music Box (1993)
- Merry Christmas (1994)
- Daydream (1995)
- Butterfly (1997)
- Rainbow (1999)
- Glitter (2001)
- Charmbracelet (2002)
- The Emancipation of Mimi (2005)
- E=MC² (2008)
- Memoirs of an Imperfect Angel (2009)
- Merry Christmas II You (2010)
- Me. I Am Mariah... The Elusive Chanteuse (2014)
- Caution (2018)
- Here For it All (2025)
Спотови
Remove ads
Белешки
Наводи
Надворешни врски
Wikiwand - on
Seamless Wikipedia browsing. On steroids.
Remove ads