Матеница
From Wikipedia, the free encyclopedia
Remove ads
Матеница[3][4], маштеница[5][6] или биеница[7][8] (дијалект) — превриен млечен пијалак. Традиционално, тоа е течноста што се остава по изматувањето на маста од полномасно млеко. Бидејќи најмодерниот путер во западните земји не се прави од млеко, туку од слатка павлака, најмодерната матеница во западните земји се произведува посебно, во посебен процес. Вообичаена е во топли клими каде млекото (без фрижидер) брзо се скиселува.[9]
-and-Milk-(left).jpg)
Матеницата може да се пие директно, а може да се користи и при готвење. При правењето леб со сода бикарбона, киселината во матеницата реагира со средството за нараснување, натриум бикарбонат, за да произведе јаглерод диоксид кој делува како квасец. Матеницата се користи и за маринирање, особено за пилешко и свинско месо.
Remove ads
Традиционална матеница
Оригинално, матеница се однесувало на течноста што останувала од изматениот путер од превриена (ферментирана) павлака. Традиционално, пред хомогенизацијата, млекото се оставало да отстои одредено време за да се одвојат кремот и млекото. За тоа време, природните бактерии кои произведуваат млечна киселина во млекото го ферментирале. Ова го олеснува процесот на матење на путерот, бидејќи маснотиите од кремот со пониска pH вредност се спојуваат полесно од свежиот крем. Киселата средина, исто така, помага да се спречи растот на потенцијално штетните микроорганизми, со што се зголемува рокот на траење.[10]
Традиционалната матеница сè уште е вообичаена во многу арапски, индиски, непалски, пакистански, фински, полски, холандски и германски домаќинства, но ретко се наоѓа во други западни земји. Тоа е вообичаен пијалак во многу индиски и непалски домови и често се служи со печена пченка.[11] Во арапскиот свет, матеницата е вообичаен пијалак што се продава на мраз со други млечни производи. Популарен е за време на Рамазан, кога се консумира за време на ифтар и сухур.
Remove ads
Исхрана
Комерцијално произведената матеница е споредлива со обичното млеко во однос на енергијата и мастите. Една чаша (237 mL) полномасно млеко содржи 157 килокалории (660 kJ) и 8,9 грама масти. Една чаша полномасна матеница содржи 152 килокалории (640 kJ) и 8,1 грама вкупни масти. Достапнa е и матеница со ниски маснотии. Матеницата содржи витамини, калиум, калциум и траги од фосфор.[12]
Поврзано
- Млечен производ
- Сурутка, течноста што останува по производството на сирење
Наводи
Надворешни врски
Wikiwand - on
Seamless Wikipedia browsing. On steroids.
Remove ads