Метаксас (село)

Метаксас или Метакса (грчки: Μεταξάς) — село во Кожанско, Егејска Македонија, денес во општината Серфиџе на Кожанскиот округ во областа Западна Македонија, Грција. Населението брои 204 жители (2021).

Метаксас Μεταξάς
Метаксас
Местоположба во областа Метаксас Местоположба на Метаксас во Кожанскиот округ и областа Западна Македонија
Координати: 40°5′N 21°58′E
Земја	Грција
Област	Западна Македонија
Округ	Кожански
Општина	Серфиџе
Општ. единица	Серфиџе
Надм. вис.	&100000000000010600000001.060 м
Население (2021)[1]
• Вкупно	204
Час. појас	EET (UTC+2)
• Лето (ЛСВ)	EEST (UTC+3)

Географија и местоположба

Селото се наоѓа високо во планинита Добра, на 25 км јужно од градот Серфиџе, крај патот Негочани-Елевсина (ЕО3), на надморска височина од 1.060 м.^[2]

Историја

Во Отоманското Царство

Неговото население уште од порано има грчко потекло.^[2] Според османлиски дефтер од 1528 г. во Метаксас имало 119 домаќинства со 536 жители.^[3]

Во XIX век Метаксас било грчко село во Серфиџенската каза на Серфиџенскиот Санџак.

На Етнографската карта на Битолскиот Вилает од 1901 г. Метакса е претставено како чисто грчко село во Серфиџенската каза на Серфиџенскиот санџак со 85 куќи.^[4]

Според статистиката на грчкиот конзулат во Еласона, во 1904 г. во Метаксас (Μεταξάς) живееле 600 Грци христијани.^[5]

Во Грција

По Балканските војни во 1913 г. селото е припоено кон Грција согласно Букурешкиот договор. Таа година тоа броело 814 жител, кои во 1920 г. се намалиле на 811 лица.^[2]

Места во заедницата Метаксас преименувани со службен указ на 31 јули 1969 година

Име	Име	Ново име	Ново име[6]	Опис[7]
Голина	Γκόλντα	Гурнес	Γοϋρνες	врв на Камбуница на С од Метаксас (1.395 м)
Мала Добра	Μικρό Ντοβρά	Сократи	Σωκράτη	месност на Камбуница на И од Метаксас
Голема Добра	Μεγ. Ντοβρά	Папајани	Παπαγιάννη	месност на Камбуница на СИ од Метаксас

Стопанство

Населението произведува жито, компири и други земјоделски производи, а поради поволни услови, доста внимание му се посветува и сточарството.^[2]

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	1.141	1.239	1.318	956	666	593	410	226	204

Извор за 1940-1991 г.: Т. Симовски, Населените места во Егејска Македонија

Самоуправа и политика

Во 1918 година, селото станало самостојна општина, чиј атар зафаќал површина од 58 квадратни километри.^[2] Општината Метаксас била приклучена во општината Серфиџе во 1997 година, која била укината во 2011 година и станала дел од поголемата општина Серфиџе-Велвендо.

Селото припаѓа на општинската единица Серфиџе со седиште во истоименото гратче, која припаѓа на поголемата општина Серфиџе, во округот Кожани. Воедно, селото е дел од општинскиот оддел Метаксас, во кој е единствено село.

Културни и природни знаменитости

Цркви

• Црква „Св. Димитриј“ — главна селска црква, подигната во 1848 г.

Личности

Родени во Метаксас

• Анагностис Бизиотас — учесник во Грчката војна за независност
• Анастасиос Мицу, Јоанис Георгиу и Стерјос Мициу — учесници во Грчката војна за независност
• Фотис Јанкулас (? – 1925) — грчки разбојник