Миле Качаниклиев

Миле Кралев Качниклиев ( 1925 во Чучер ― 16 април 1945 во Врпоље) ― македонски партизан и учесник во НОВ.^[1][2]

Спомен плоча на сите загинати борци во НОВ од селото Чучер-Сандево, меѓу кои и Миле Качниклиев

Миле Качниклиев
Роден	1925 година Чучер, Кралство СХС
Починал	16 април 1945 година Врпоље, Независна Држава Хрватска

Животопис

Роден е во сиромашно селско семејство. Завршил основно училиште во селото. Се занимавал со земјоделство и сточарство.

Материјално ги помагал партизаните од порано.^[1] Со доаѓањето на 16 македонска ударна бригада во неговото село, меѓу првите стапил во нејзините редови. Бил учесник во бројни акции на Бригадата против Германците кај Качаник.^[2] По завршувањето на борбите во Македонија заминал на Косово, каде учествувал во ликвидирањето на одметнатите балистички банди. Потем заминал за Војводина, каде завршил воена и политичка настава и станал политички комесар на чета.^[1]

Со четата учествувал при пробивот на Сремскиот фронт и во натамошното гонење на разбиениот непријател. Неговата чета посебно се истакнала во извршувањето на борбените задачи. Учествувал и во големата битка за Врпоље, каде на 16 април 1945 година, тој загинал. Бил закопан на местото каде што загинал.^[1][2]

Поврзано

• Неделко Качаниклиев — македонски партизан, учесник во НОВ^[2]
• Мирче Качаниклиев — македонски партизан, учесник во НОВ^[2]