Нусретли

Нусретли (грчки: Νικηφόρος, Никофорос)^[2][3] — село во Општина Бук во Драмски округ, Егејска Македонија, денес во областа Источна Македонија и Тракија, Грција.

Нусретли Νικηφόρος
Нусретли
Местоположба во областа Нусретли Местоположба на Нусретли во Општина Бук и областа Источна Македонија и Тракија
Координати: 41°10′N 24°19′E
Земја	Грција
Област	Источна Македонија и Тракија
Округ	Драмски округ
Општина	Бук
Општ. единица	Нусретли
Надм. вис.	&10000000000000250000000250 м
Население (2011)[1]
• Вкупно	296
Час. појас	EET (UTC+2)
• Лето (ЛСВ)	EEST (UTC+3)

Географија и местоположба

Селото се наоѓа на 27 километри јужно од градот Драма и на 27 километри југозападно од центарот на општината, Бук. Селото се наоѓа на надморска височина од 250 метри.

Селото опфаќа површина од 34 км², додека целата општинска единица опфаќа 241 км².^[4] По реформите на локалната власт во 2011 година, Нусретли е општинска единица на општината Бук^[5].

На еден километар по селото во насока кон Бук се наоѓа стариот аквадукт Хасанов мост.^[6]

Историја

Отоманско Царство

Селото во текот на XIX век се наоѓало во рамките на Драмската каза, во составот на Отоманското Царство.

Според статистиката на Васил К’нчов („Македонија. Етнографија и статистика“) во 1900 година селото имало 90 Турци^[7].

Грција

По крајот на Балканските војни, селото било вклучено во составот на Грција. По потпишувањето на Лозанскиот договор во 1923 година помеѓу Турција и Грција, во селото се населиле грчки бегалци од Анадолија додека муслиманското население ги напуштило своите домови.

Во 1927 година, селото било преименувано во Маврокордатос.^[8]

Демографија

До 1928 година во селото биле населени 828 бегалци од Турција.^[9] Во 1928 година селото броело 1035 жители, додека во 1940 година селото броело 1213 жители, во 1951 - 949 жители. Селото во пописот од 1961 година броело 1002 жители, во 1971 година имало 698 жители, во 1981 година имало 508 жители, додека во 1991 година имало 451 жител^[10]. Денеска, населението на селото е 296 жители според пописот од 2011 година.

Места во заедницата Нусретли преименувани со службен указ на 13 јануари 1969 година

Име	Име	Ново име	Ново име[11]	Опис[12]
Канатлар[12]	Κανατλάρ	Фтеротон	Φτερωτόν	месност на Јарум Каја на ЈИ од Нусретли[12]
Боџаќој[12]	Μποτζάκιοϊ	Фундукидис	Φουντουκίδης	месност на Јарум Каја на ЈИ од Нусретли[12]
Ата Тепе[12]	Άτά Τεπέ	Псили Корифи	Ψηλή Κορυφή	возвишение на Јарум Каја на И од Нусретли (405,8 m)[12]

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	1213	949	1002	698	508	451	436	296

Извор за 1940-1991 г.: Т. Симовски, Населените места во Егејска Македонија

Култура

Турската народна песна Драмски мост „Drama Köprüsü“ е посветена на Нусретли. Самиот мост се наоѓа во близина на селото.

Во ова село е роден Ибрахим-паша.