ОУ „Браќа Миладиновци“ - Куманово

Основно училиште „Браќа Миладиновци“ (официјално: Основно општинско училиште „Браќа Миладиновци“ - Куманово; скратено: ООУ „Браќа Миладиновци“) — централно основно училиште во градот Куманово, Општина Куманово.^[1][2]

За други значења на поимот, погл. ОУ „Браќа Миладиновци“.

Браќа Миладиновци
Заедничката зграда на ОУ „Браќа Миладиновци“ и ОУ „Крсте Петков Мисирков“ Заедничката зграда на ОУ „Браќа Миладиновци“ и ОУ „Крсте Петков Мисирков“
Место
Општина:	Општина Куманово
Наречено по:	Браќа Миладиновци
Нас. место:	Куманово
Адреса:	ул. „Народна Револуција“ бр. 43
Местоположба
Основни информации
Основано:	1953; пред 72 години (1953)
Директор:	Јасминка Спасовска
Број на ученици:	1.240 (2023/24)
Настава на:	македонски
Контактни информации
Мреж. место	oubm.edu.mk/
Е-пошта	[e-mail]
Телефон	031/424-281
Факс	031/424-281

Училиштето е именувано по истакнатите македонски преродбеници и писатели браќата Миладиновци.

Градба

Училиштето ја дели зградата со ОУ „Крсте Петков Мисирков“. Училиштето работи во 5 училишни згради, а во својот состав вклучува и две подрачни училишта (во Пчиња и Студена Бара).^[3]

Наставата во централното училиште се изведува во кабинети по сите предмети. Училиштето располага со канцеларија за наставници, медијатека, кабинет по информатика, како и спортска сала со површина од 1.025 м².^[2] Наставата се изведува во една смена која најизменично се менува на секои две недели.

Историја

Училиштето постои од 1953 година. Тоа е едно од најстарите училишта во општината.^[2]

Во учебната 2008/09 во него учеле околу 1.200 ученици од I до VIII одделение.^[2]

Збратимени училишта

Училиштето е збратимено со училиштата:^[2]

• ОУ „Браќа Миладиновци“ - Миладиновци, Општина Илинден
• ОУ „Трет Крагуевачки Баталјон“ (српски: ОШ „Трећи крагујевачки батаљон“) - Крагуевац, Србија

Подрачни училишта

Во составот на училиштето влегуваат следниве подрачни училишта:^[2]

• ПУ „Браќа Миладиновци“ - Пчиња, подрачно деветгодишно училиште на македонски наставен јазик; и
• ПУ „Браќа Миладиновци“ - Студена Бара, подрачно петгодишно училиште на македонски наставен јазик.

Галерија

• 
  Главниот влез
• 
  Северозападното крило на зградата
• 
  Северозападното крило на зградата
• 
  Југозападното крило на зградата
• 
  Кошаркарското игралиште