Оливера Ќорвезироска

Оливера Ќорвезироска (родена во Куманово, на 29 ноември 1965 ) — македонска писателка, поетеса, есеистка и критичарка.

Оливера Ќорвезироска
Оливера Ќорвезироска на првиот Фестивал на проза, Куманово, мај 2022
Роден/а	Марковиќ 29.11.1965 Куманово, СФРЈ

Животопис

Оливера Ќорвезироска (родена Марковиќ) е родена во Куманово на 29 ноември 1965 година. Основно и средно училиште завршила во Куманово, а Филолошки факултет во Скопје, каде живее и работи. По дипломирањето, таа се вработила во НИП „Нова Македонија“ како лектор. Во 1985 година станала членка на Друштвото на писатели на Македонија.^[1][2][3]

Творештво

Делата на Ќорвезироска се преведени на: албански, српски, англиски, француски, турски, чешки, словенечки, полски, руски, унгарски и бугарски јазик. Исто така, таа е застапена во дваесетина антологии на современиот македонски расказ, објавени во Македонија и во странство.^[3]

Библиографија

Ќорвезироска е авторка на следниве дела:^{[3] [4] [5]}

• „Трети кат“ (поезија, 1982 г.)
• „Високите бели“ (поезија, 1989 г.)
• „Кифличката Мирна“ (роман за деца, 1993 г.)
• „Мојот брат од тринаесеттиот кат“ (роман за деца, 2001 г.)
• „Дедо Миле“ (сликовница, со Глигор Костовски-Гишо, 2000 г.)
• „Отвораат ли сништата работа“ (критика и есеистика, 1999 г. )
• „Еден Текст и една жена“ (критика и есеистика, 2016 г.)
• „Заклученото тело на Лу“ (роман, 2005 г.)
• „Страдањата на младиот лектор“ (раскази, 2000 г.)
• „(С)плетени раскази“ (раскази, 2003 г.)
• „Две перници“ (раскази, 2010 г.)
• „Новелички без шеќер“ (раскази, 2017 г.)
• „(Со)шиени раскази“ (раскази, 2017 г.)
• „Улиците што ги нема“ (раскази, 2018 г.)
• „Аб'т“ (роман, 2019 г.)
• „Дедо Миле“ (сликовница, со Владимир Лукаш, 2019 г.)
• Престапни години (раскази, 2021 г.)
• Три Марии (роман, 2025 г.)

Таа е застапена во околу 20 антологии на современиот македонски расказ, објавени во Македонија и во странство. На пример, три нејзини кратки раскази се застапени во антологијата на македонскиот краток расказ, „Џинџуџе во земјата на афионите“ (Темплум, 2022).^[6]

Награди и признанија

Ќорвезироска е добитничка на неколку награди за нејзините раскази, а во 2003 година, за книгата „(С)плетени раскази“, ја добила наградата за најдобра проза на Друштвото на писателите на Македонија - „Стале Попов“.^[7]

2025 - Награда „Рациново признание“ за романот „Три Марии“^[8]