Оливер Спасовски

Оливер Спасовски (21 октомври 1976 во Куманово) — македонски политичар. Бил технички премиер на Македонија од 3 јануари 2020 по изборот на новата техничка влада. Функцијата министер за внатрешни работи ја извршувал во два кратки периода. На функција стапил на 2 септември 2016 година до 12 декември 2016. Претходно, во периодот од 11 ноември 2015 до 19 мај 2016 ја извршувал истата функција, по договорот од Пржино.^[1] Оливер повторно стапува на должност како министер за внатрешни работи на Македонија на 1 јуни 2017 година кога парламентарното мнозинство ја изгласа новата влада на чело со Зоран Заев. На 3 јануари 2020 е избран за нов технички премиер во предизборната влада.

Оливер Спасовски
Министер за внатрешни работи на Македонија
На должноста 31 август 2020 – 28 јануари 2024
Претседател	Стево Пендаровски
Премиер	Зоран Заев Димитар Ковачевски
Претходник	Агим Нухиу
Наследник	Панче Тошковски
На должноста 1 јуни 2017 – 3 јануари 2020
Претседател	Ѓорге Иванов Стево Пендаровски
Премиер	Зоран Заев
Претходник	Агим Нухиу
Наследник	Наќе Чулев
На должноста 2 септември 2016 – 29 декември 2016
Претседател	Ѓорге Иванов
Премиер	Емил Димитриев
Претходник	Митко Чавков
Наследник	Митко Чавков
На должноста 11 ноември 2015 – 19 мај 2016
Претседател	Ѓорге Иванов
Премиер	Емил Димитриев
Претходник	Митко Чавков
Наследник	Митко Чавков
Пратеник во македонското Собрание
На должноста 26 јули 2006 – 21 јуни 2008
На должноста 25 јуни 2011 – 10 мај 2014
На должноста 30 декември 2016 – 31 мај 2017
Технички премиер на Македонија
На должноста 3 јануари 2020 – 31 август 2020
Претседател	Стево Пендаровски
Претходник	Зоран Заев
Наследник	Зоран Заев
Лични податоци
Роден(а)	21 октомври 1976(1976-10-21) (48 г.) Куманово, СР Македонија, СФРЈ
Партија	СДСМ
Деца	2
Занимање	Политичар
Вероисповед	Православен христијанин

Животопис

Оливер Спасовски е роден 1976 во Куманово. Дипломирал на Правниот факултет во Скопје. Во 2000 година работел како адвокатски приправник. Од 2001 до 2005 година работел како советник на градоначалникот на Општина Куманово. Од 2008 до 2011 година бил секретар на Општина Куманово. Во два мандата е избиран за пратеник, на изборите во 2006 и во 2011 година. На парламентарните избори во 2016 година бил носител на листа во изборна единица 2, предводена од коалицијата на СДСМ.