Општина Гара Зелениково

Месен народен одбор Гара Зелениково ― поранешна општина во Македонија, која постоела во периодот 1945-1952 година.

Месен народен одбор Гара Зелениково
Општина на ДФ/НР Македонија, ДФЈ/ФНРЈ
1945–1952 →
Главен град/седиште		Станица (Гара) Зелениково
Составни делови		Вражале (1950-1952), Градовци (1950-1952), Зелениково (1950-1952), Ново Село (1945-1952), Орешани (1950-1952), Пакошево (1945-1952), Смесница (1945-1952), Станица (Гара) Зелениково (1945-1952), Страхојадица (1945-1952), Таор (1945-1952)
Историја
-	Основање на МНО Гара Зелениково	1945
-	Укинување на МНО Гара Зелениково	1952
Население
-	1948	1,334 жит.
Управни единици		Држава: ДФЈ/ФНРЈ Република: ДФ/НР Македонија Округ: Скопски (1945-1947) Околија: Драчевска (1945-1947), Скопска (1947-1952)
Денес во		Општина Зелениково

Историја

Месниот народен одбор Гара Зелениково бил основан во 1945 година. Тој бил дел од Драчевската Околија, Скопски Округ, и негови составни населени места биле Ново Село, Пакошево, Смесница, Станица (Гара) Зелениково, Страхојадица и Таор.^[1] Во 1947 година, според новата административна поделба, месниот одбор припаднал под Скопската Околија, со истите шест населени места.^[2]

Во 1950 година, според новата административна поделба, Месниот народен одбор Гара Зелениково бил проширен на сметка на соседниот и укинат Месен народен одбор Зелениково со неговите села Вражале, Градовци, Зелениково, и Орешани.^[3] Согласно административната поделба од 1952 година, МНО Гара Зелениково бил укинат и неговата општинска територија припаднала на обновената Општина Зелениково.^[4]

Население

Според пописот од 1948 година, Месен народен одбор Гара Зелениково имал 1,334 жители, односно вкупното население на Ново Село, Пакошево, Смесница, Станица (Гара) Зелениково, Страхојадица и Таор.

Следува табела според народностите во пописот од 1948 година:^[5]

Народност	Вкупно
Македонци	1,194
Албанци	47
Турци	30
Роми	35
Срби	25
Хрвати	2
Руси	1

Поврзано

• Список на општини во Македонија по население (1948)