Општина Гумалево

Месен народен одбор Гумалево ― поранешна општина во Македонија, која постоела во периодот 1945-1952 година.

Месен народен одбор Гумалево
Општина на ДФ/НР Македонија, ДФЈ/ФНРЈ
1945–1952 →
Главен град/седиште		Гумалево
Составни делови		Гумалево (1945-1952), Дејковец (1945-1952), Добрино (1945-1952), Тисовица (1950-1952)
Историја
-	Основање на МНО Гумалево	1945
-	Укинување на МНО Гумалево	1952
Население
-	1948	1,175 жит.
Управни единици		Држава: ДФЈ/ФНРЈ Република: ДФ/НР Македонија Округ: Скопски (1945-1947) Околија: Драчевска (1945-1947), Скопска (1947-1952)
Денес во		Општина Зелениково

Историја

Месниот народен одбор Гумалево бил основан во 1945 година. Тој бил дел од Драчевската Околија, Скопски Округ, и негови составни населени места биле Гумалево, Дејковец, Добрино.^[1] Во 1947 година, според новата административна поделба, месниот одбор припаднал под Скопската Околија, со истите три населени места.^[2] Во 1950 година, според новата административна поделба, Месниот народен одбор Гумалево бил проширен на сметка на соседниот и укинат Месен народен одбор Палиград со неговото село Тисовица.^[3] Согласно административната поделба од 1952 година, МНО Гумалево бил укинат и неговата општинска територија припаднала на Општина Зелениково.^[4]

Население

Според пописот од 1948 година, Месен народен одбор Гумалево имал 1,175 жители, односно вкупното население на Гумалево, Дејковец, Добрино. Од 1,175 жители, 1,163 биле Македонци, додека 12 биле Роми.^[5]

Поврзано

• Список на општини во Македонија по население (1948)