Општина Орах

Општина Орах, именувана и како Месен народен одбор Орах ― поранешна општина во Македонија, која постоела во периодот 1913-1941 и 1945-1952 година.

Општина Орах (1913-1941) Месен народен одбор Орах (1945-1952)
Општина на Кралство Србија / Царство Бугарија / Кралство СХС/Југославија / ДФ/НР Македонија, ДФЈ/ФНРЈ
1913–1952 →
Главен град/седиште		Орах
Составни делови		Дренок (1913-1941), Орах (1913-1941, 1945-1952), Руѓинце (1913-1941, 1947-1952)
Историја
-	Основање на Општина Орах	1913
-	Основање на МНО Орах	1945
-	Укинување на МНО Орах	1952
Население
-	1913	1,832 жит.
-	1921	1,624
-	1931	1,799
-	1948	1,308
Управни единици		Држава: Кралство Србија (1913-1915), Царство Бугарија (1915-1918), Кралство Југославија (1918-1941), ДФЈ/ФНРЈ (1945-1952) Република: ДФ/НР Македонија (1945-1952) Бановина: Вардарска (1929-1941) Покраина: Јужна Србија (1918-1922) Округ: Кумановски (1913-1922), Скопски (1945-1947) Област: Скопска (1922-1929) Срез: Жеглиговски (1913-1915, 1918-1941) Околија: Кумановска (1915-1918, 1947-1952), Козјачка (1945-1947)
Денес во		Општина Старо Нагоричане

Историја

1913-1915

Општина Орах за прв пат била основана во 1913 година, за време на Кралството Србија. Населени места во општината биле Дренок, Орах и Руѓинце. Општината била дел од Жеглиговскиот Срез, Кумановски Округ.^[1]

1915-1918

Општина Орах продолжила да постои за време на Царството Бугарија, односно окупацијата во Првата светска војна. Општината територијално останала иста и била дел од Кумановската Околија, Кумановски Округ.^[2]

Кралство СХС/Југославија

За време на новата држава Кралство СХС (подоцна под името Кралство Југославија), Општина Орах продолжила да постои во рамки на Жеглиговскиот Срез, и почнувајќи од 1929 година, во Вардарската Бановина. Таа се состоела од населените места: Дренок, Орах и Руѓинце.^[3][4][5]

1945-1952

Месниот народен одбор Орах бил основан во 1945 година. Тој бил дел од Козјачката Околија, Скопски Округ, и негово составно населено место било Орах.^[6] Во 1947 година, според новата административна поделба, Месниот народен одбор Орах бил проширен на сметка на соседниот и укинат Месен народен одбор Руѓинце со неговото село Руѓинце. Истовремено, МНО Орах припаднал под проширената Кумановска Околија.^[7] Во 1950 година, според новата административна поделба, Месниот народен одбор Орах останал територијално непроменет.^[8] Согласно административната поделба од 1952 година, МНО Орах била укинат на сметка на соседната и проширена Општина Облавце.^[9]

Население

Според пописот од 1913 година, Општина Орах имала 1,832 жители, односно вкупното население на Дренок, Орах и Руѓинце.^[1]

Според пописот од 1921 година, Општина Орах имала 1,624 жители. Според верската припадност, сите биле православни. Според јазичната припадност, сите биле Срби/Хрвати.^{[10][б 1]}

Според пописот од 1931 година, Општина Орах имала 1,799 жители, од кои 914 биле мажи, а 885 биле жени. Општината се состоела од 248 куќи и 250 домаќинства.^[11]

Според пописот од 1948 година, Месен народен одбор Орах имал 1,637 жители, односно вкупното население на Орах и Руѓинце. Од таа бројка, 1,300 биле Македонци, додека 8 биле Срби.^[12]

Поврзано

• Список на населени места во Вардарска Македонија по општина (1913-1915)
• Список на општини во Вардарска Бановина по население (1931)
• Список на општини во Македонија по население (1948)

Забелешки

1. Македонскиот јазик и македонскиот народ биле третирани за српски, согласно според српскиот/кралскојугословенскиот државен апарат.